ભારતે ગ્રીન એનર્જીના ક્ષેત્રમાં એક નવો રેકોર્ડ સ્થાપિત કર્યો છે. દેશ હવે કોલસા આધારિત વીજળી પરની નિર્ભરતા ઘટાડી રહ્યો છે અને સૌર અને પવન ઊર્જામાં વધારો કરી રહ્યો છે. કુલ બિન-અશ્મિભૂત ઊર્જા હવે 288.04 ગીગાવોટ સુધી પહોંચી ગઈ છે, જેમાં સૌર ઊર્જાનો હિસ્સો 154.24 ગીગાવોટ છે. નાણાકીય વર્ષ 2025-26માં ભારતના નવીનીકરણીય ઊર્જા ઉત્પાદનમાં 20 ટકાનો વધારો થવાનો અંદાજ છે, જ્યારે કોલસા અને લિગ્નાઇટ આધારિત વીજળી ઉત્પાદનમાં પાછલા વર્ષની સરખામણીમાં 4.3 ટકા ઘટાડો થયો છે.

કાઉન્સિલ ઓન એનર્જી, એન્વાયર્નમેન્ટ એન્ડ વોટરના ગ્રીન ફાઇનાન્સ સેન્ટરના 'માર્કેટ હેન્ડબુક' અનુસાર, ભારતે નાણાકીય વર્ષ 2025-26માં રેકોર્ડ 57.5 ગીગાવોટ ચોખ્ખી વીજ ઉત્પાદન ક્ષમતા ઉમેરી, જે પાછલા વર્ષના 33.2 ગીગાવોટ કરતા નોંધપાત્ર રીતે વધારે છે. ગયા વર્ષે ઉમેરાયેલી ક્ષમતામાં નવીનીકરણીય ઉર્જાનો હિસ્સો લગભગ 54.6 ગીગાવોટ (લગભગ 95 ટકા) હતો, જેમાં મોટા હાઇડ્રો પ્રોજેક્ટ્સનો પણ સમાવેશ થાય છે.

ભારતની કુલ સ્થાપિત વીજળી ક્ષમતા હવે આશરે ૫૩૩ ગીગાવોટ છે, જેમાં નવીનીકરણીય ઊર્જાનો ફાળો આશરે ૫૨% છે. અહેવાલ મુજબ, ભારત હવે ચીન (૨,૨૫૮.૦૨ ગીગાવોટ) અને યુનાઇટેડ સ્ટેટ્સ (૪૬૭.૯૨ ગીગાવોટ) થી પાછળ છે.