જામનગરના એક મહિલાએ ભુજમાં રહેતા પોતાના પતિ પાસેથી ચઢત ભરણપોષણ તથા વળતર ની રકમ વસૂલ મેળવવા અદાલતમાં અરજી કરી હતી. જેમા પોલીસ દ્વારા પતીને પકડીને કોર્ટમાં રજૂ કરાતાં તેને  અદાલતે ૧૩૩ દિવસની કેદની સજાનો હુકમ કર્યો છે.

જામનગરમાં ખોજાનાકા પાસે રહેતા સનમબેન ઈમરાન ચાકી નામના પરિણીતાએ ભુજમા રહેતા પતિ ઈમરાન ગનીભાઈ ચાકી સહિતના સાસરિયાઓ સામે ઘરેલુ હિંસાનાં કાયદા હેઠળ ફરિયાદ નોંધાવી હતી.

અદાલતમાં તે કેસ ચાલી જતાં પત્ની તથા સંતાનને ભરણપોષણ આપવા તથા વળતર ચૂકવવા હુકમ કરાયો હતો. તે પછી પણ આ રકમ પતિએ ન ચૂકવતા સનમબેને ફરીથી અદાલતમાં અરજી કરી હતી. આથી ભુજ પોલીસે ઈમરાન ચાકીને ઝડપી લઈ જામનગરની કોર્ટમાં હાજર કર્યાે હતો.

ભરણપોષણ ચૂકવવામાં નિષ્ફળ ગયેલા પતિ ઈમરાન ગનીભાઈ ચાકીને અદાલતે ૧૩૩ દિવસની કેદની સજા ફટકારી છે.   અરજદાર તરફથી વકીલ ઉમર લાકડાવાલા રોકાયા હતા.