બ્રિટનના સાઉથપોર્ટમાં છરાબાજીની ઘટનામાં બે બાળકના મોત નીપજ્યા છે અને અન્ય ઘણા લોકો ઘાયલ થયા છે. ઘાયલોને સારવાર માટે હોસ્પિટલમાં દાખલ કરવામાં આવ્યા છે. પોલીસે આ કેસમાં એક આરોપીની ધરપકડ પણ કરી છે. છરી વડે હુમલાની આ ઘટના બાળકોના ડાન્સ વર્કશોપમાં બની હતી.નોંધનીય છે કે યુકેમાં આ રીતે હથિયારો સાથે જાહેર સ્થળો એ ધસી જ્ઈને મોતના તાંડવ ખેલવાની ઘટનાઓ વધી રહી છે જેમાં અનેક નિર્દોષોના જીવ ગયા છે.જેમાં ઔર બેનો વધારો થયો છે.
બ્રિટનના સાઉથપોર્ટ શહેરમાં બાળકોના ડાન્સ વર્કશોપમાં હુમલો થયો હતો. બ્રિટિશ વડાપ્રધાન કીર સ્ટોર્મરે ઉત્તર-પશ્ચિમ ઈંગ્લેન્ડના સાઉથપોર્ટ શહેરમાં છરાબાજીની ઘટનાને ’ભયાનક’ ગણાવી છે. સ્થાનિક મર્સીસાઇડ પોલીસના સશસ્ત્ર કર્મચારીઓએ ઘટનાના સંબંધમાં એક વ્યક્તિની ધરપકડ કરી છે અને છરી કબજે કરી હોવાનું જાણવા મળે છે.
ઉત્તર-પશ્ચિમ એમ્બ્યુલન્સ સેવાએ જણાવ્યું છે કે છરાબાજીની આ ઘટનામાં ઓછામાં ઓછા આઠ લોકો ઘાયલ થયા છે અને ઘાયલોને હોસ્પિટલમાં દાખલ કરવામાં આવ્યા છે. વડાપ્રધાન સ્ટ્રોમરે સોશિયલ મીડિયા પર એક પોસ્ટમાં કહ્યું. મારી સહાનુભુતિ અસરગ્રસ્ત તમામ લોકો સાથે છે. હું પોલીસ અને કટોકટીના સમયમાં તેમની સેવાઓને તેમજ તેમની તાત્કાલિક કાર્યવાહી માટે આભાર માનું છું.
17 વર્ષના આરોપીની ધરપકડ
મર્સીસાઇડ પોલીસે જણાવ્યું હતું કે હુમલાના સંબંધમાં 17 વર્ષના છોકરાની ધરપકડ કરવામાં આવી છે. પોલીસે પકડાયેલા યુવક પાસેથી છરી કબજે કરી છે. નોર્થ વેસ્ટ એમ્બ્યુલન્સ સર્વિસએ જણાવ્યું હતું કે તેઓએ છરીના ઘા જેમને મારવામાં આવ્યા છે તેવા આઠ દર્દીઓની સારવાર કરી હતી અને કેટલાકને એલ્ડર હે ચિલ્ડ્રન્સ હોસ્પિટલમાં લઈ જવામાં આવ્યા હતા.જો કે આરોપીએ આવું શું કામ કર્યું તે તપાસ ચાલી રહી છે અને પૂછપરછ બાદ આ વિગત સામે આવશે.