રાત્રે ભોજનમાં માત્ર હળવી વસ્તુ જ ખાવી જોઈએ. ભારે ખોરાકને પચવામાં સમય લાગે છે, જે રાતની ઊંઘ બગાડી શકે છે. તેથી રાત્રિભોજનમાં કંઈક હળવું અને સ્વાદિષ્ટ ખાવાનો પ્રયાસ કરો. આ માટે કેટલીક સાઉથ ઇન્ડીયન વાનગીઓ ટ્રાય કરી શકો છો.

સાંજે ઓફિસેથી પાછા ફર્યા પછી દરેક મહિલાના મનમાં શું રાંધવું તે પ્રશ્ન ચાલ્યા કરે છે. ઘણી વાર આપણે વિચારીએ છીએ કે રાત્રિભોજન માટે શું બનાવવું જે હલકું અને પૌષ્ટિક પણ હોય.  ત્યારે સાઉથ ઇન્ડીયન વાનગીઓ ખૂબ જ સારો વિકલ્પ બની શકે છે. સાઉથ ઇન્ડીયન ડીશ હલકી તેમજ પૌષ્ટિક હોય છે અને તેને તૈયાર કરવામાં વધુ સમય લાગતો નથી. જાણો આવી જ કેટલીક દક્ષિણ ભારતીય વાનગીઓ વિશે.

પોંગલ

સામગ્રી:

 ચોખા - 2 કપ

 મગની દાળ- 1 કપ

 જીરું - 1 ચમચી

 કાળા મરી - 1 ચમચી

 ઘી - 2 ચમચી

 મીઠું - સ્વાદ મુજબ

લીમડાના પાંદડા

બનાવવાની રીત:

• સૌ પ્રથમ ચોખા અને મગની દાળને ધોઈને એકસાથે પલાળી લો. હવે એક વાસણમાં થોડું પાણી ઉમેરો અને ચોખા અને દાળને પકાવો.
  
  
• હવે એક કડાઈમાં ઘી નાંખો, તેમાં જીરું, કાળા મરી અને લીમડાના પાન ઉમેરો અને તેને હલાવો. હવે તેને રાંધેલા ચોખા અને દાળમાં મિક્સ કરો. હવે તેમાં મીઠું નાખીને બરાબર મિક્ષ કરી લો. દહીં અથવા અથાણાં સાથે ગરમાગરમ સર્વ કરો.

રસમ

સામગ્રી:

 ટામેટા - 4

 મસૂરનું પાણી - 2 કપ

 રસમ પાવડર - 1 ચમચી

 જીરું- 1/2 ચમચી

 સરસવના દાણા - 1/2 ચમચી

 લીલા મરચા - 1-2

 મીઠું - સ્વાદ મુજબ

 લીમડાના પાંદડા

બનાવવાની રીત:

• સૌ પ્રથમ ટામેટાંને બાફીને ક્રશ કરી લો. હવે એક પેનમાં દાળનું પાણી, મેશ કરેલા ટામેટાં, રસમ પાવડર અને મીઠું ઉમેરો અને સારી રીતે ઉકાળો.
  
  
• હવે એક નાની કડાઈમાં ઘી ગરમ કરી તેમાં જીરું, સરસવ, લીલાં મરચાં અને કઢી પત્તા નાખી  તેને વઘાર કરીને રસમમાં ઉમેરો. રસમને ગરમાગરમ ભાત સાથે સર્વ કરો.

પુલીસેરી

સામગ્રી:

 દહીં - 2 કપ

 કોળું - 1 કપ (સમારેલું)

 હળદર પાવડર - 1/2 ચમચી

 જીરું - 1 ચમચી

 મીઠું - સ્વાદ મુજબ

 કરી પાંદડા

બનાવવાની રીત:

• સૌ પ્રથમ કોળાને બાફી લો અને તેમાં હળદર અને મીઠું નાખો હવે દહીંને સારી રીતે ફેટી લો અને તેને બાફેલા કોળામાં મિક્સ કરો.

• હવે એક કડાઈમાં જીરું અને લીમડાના પાન ઉમેરો અને તેને કોળામાં ઉમેરો. તેને ગરમાગરમ ભાત સાથે સર્વ કરો.