જો તમે મસાલેદાર ચટણી ખાવાનાં શોખીન છો, તો ફુદીના અને કોથમીરની ચટણી બનાવીને તેના ટેસ્ટનો આનંદ માણી શકો છો. આ ચટણી બનાવવા માટે વપરાતી સામગ્રી પણ સરળતાથી મળી જશે. સૌથી સારી વાત એ છે કે આ ફુદીનો અને કોથમીરની ચટણી બનાવવામાં વધુ સમય નથી લાગતો. ચાલો જાણીએ આ ચટણી બનાવવાની સરળ રીત વિશે.

સ્ટેપ 1- આ કોથમીર અને ફુદીનાની ચટણી બનાવવા માટે પહેલા 2 કપ ફુદીનાના પાન અને એક કપ કોથમીરના પાંદડાની જરૂર પડશે.

સ્ટેપ 2- આ પછી એક મોટી ડુંગળીને ઝીણી કાપવાની છે. હવે મિક્સરમાં ફુદીનાના પાન, કોથમીર અને સમારેલી ડુંગળી ઉમેરો.

સ્ટેપ ૩- ચટણીનો સ્વાદ વધારવા માટે મિક્સરમાં 2 ચમચી લીંબુનો રસ અને એક ચમચી ખાંડ નાખો.

સ્ટેપ 4 - જો તમે આ ચટણીને વધુ મસાલેદાર બનાવવી હોય તો બ્લેન્ડરમાં 4 લીલા મરચાં ઉમેરો.

સ્ટેપ 5 - આ પછી સ્વાદ પ્રમાણે મીઠું એડ કરી પછી આ બધી વસ્તુઓને સારી રીતે બ્લેન્ડ કરી લો.

 સ્ટેપ 6 - જો તમે ઇચ્છો તો ચટણીને થોડી પાતળી કરવા માટે થોડું પાણી પણ ઉમેરી શકો છો.

હવે મસાલેદાર કોથમીર અને ફુદીનાની ચટણી સર્વ કરવા માટે તૈયાર છે. આ ચટણીને કોઈપણ ફૂડ આઈટમ સાથે સર્વ કરી શકો છો.