31 ઓગસ્ટ (ગુરુવારે), ISROના વડા એસ સોમનાથે ચંદ્રયાન-3 મિશન અને પ્રજ્ઞાન રોવર વિશે મહત્વપૂર્ણ માહિતી શેર કરી. તેમણે કહ્યું કે બધું બરાબર કામ કરી રહ્યું છે, તમામ ડેટા ખૂબ સારી રીતે આવી રહ્યા છે. તેમણે એવી આશા પણ વ્યક્ત કરી કે અમારું મિશન 14 દિવસના અંત સુધીમાં સફળતાપૂર્વક પૂર્ણ થશે.

બધું બરાબર કામ કરી રહ્યું છેઃ ઈસરો ચીફ

31 ઓગસ્ટ (ગુરુવારે), ISROના વડા એસ સોમનાથે ચંદ્રયાન-3 મિશન અને પ્રજ્ઞાન રોવર સંબંધિત મહત્વપૂર્ણ માહિતી આપી હતી. આ માહિતી આપતા તેમણે જણાવ્યું હતુ કે બધું બરાબર કામ કરી રહ્યું છે, તમામ ડેટા ખૂબ સારી રીતે આવી રહ્યા છે. તેમણે એવી આશા પણ વ્યક્ત કરી કે અમારું મિશન 14 દિવસના અંત સુધીમાં સફળતાપૂર્વક પૂર્ણ થઈ જશે.

રોવર એકદમ સ્વસ્થઃ ઈસરોના વડા

જ્યારે પત્રકારોએ ઈસરોના વડાને પૂછ્યું કે શું ચંદ્રયાન-3 અંગે કોઈ નવી અપડેટ છે, તો તેમણે કહ્યું કે પ્રજ્ઞાન રોવર અમને જે પણ નવી માહિતી આપી રહ્યું છે, તે ઈસરો તેના સોશિયલ મીડિયા પેજ પર તમારી સાથે શેર કરી રહ્યું છે. એસ.સોમનાથે જણાવ્યું હતું કે હાલમાં કશું નવું સામે આવ્યું નથી. વધુમાં, પ્રજ્ઞાન રોવરનો ઉલ્લેખ કરતાં તેમણે કહ્યું કે રોવર એકદમ સ્વસ્થ છે અને તેનું કામ સારી રીતે કરી રહ્યું છે.

ઈસરોએ 31 ઓગસ્ટે એક નવો વિડિયો પાડ્યો હતો બહાર

તમને જણાવી દઈએ કે 31 ઓગસ્ટના રોજ ઈસરોએ એક નવો વીડિયો જાહેર કર્યો હતો, જેમાં રોવર તેના નવા ઉપકરણોની મદદથી ચંદ્ર પર નવી શોધ કરી રહ્યું છે. ઈસરોએ કહ્યું કે રોવરે ફરી એકવાર તેના આલ્ફા પાર્ટિકલ એક્સ-રે સ્પેક્ટ્રોસ્કોપ (APXS) સાધનની મદદથી ચંદ્ર પર સલ્ફરની હાજરીની પુષ્ટિ કરી છે.