સુંદરકાંડની ચોપાઈ દ્વારા યોજાશે હોમાત્મક યજ્ઞ-મહાઆરતી

જામનગર જિલ્લાના જોડિયાધામ ખાતે આવેલ સુપ્રસિદ્ધ ધાર્મિક સ્થળ શ્રી ઉદાસીન સંત કુટિર " રામવાડી " જયશ્રી ભોલેબાબા આશ્રમ ખાતે આગામી તારીખ ૧૨/ ૪ / ૨૫ ને શનિવારના રોજ શ્રી હનુમાન જ્યંતીના પાવન પુણ્યશાળી પર્વ શ્રી જ્યોતિ સ્વરૂપ બાલા હનુમાનજી મહારાજના પાવન સન્મુખ તૅમજ પ્રાતઃ સ્મરણીય ૧૦૦૮ સદગુરૂદેવ ભોલેબાબાજીના આશીર્વાદથી હનુમાન જ્યંતી નિમિતે શનિવારના રોજ સવારે ૭ : ૦૦ ક્લાકે જ્યોતિ સ્વરૂપ બાલા હનુમાનજી મહારાજનું વિશેષ પૂજન બ્રાહ્મણો દ્વારા કરવામાં આવશે, તેમજ સવારે ૯ : ૦૦ થી ૧૧ : ૦૦ દરમ્યાન સુંદરકાંડની પ્રત્યેક ચોપાઈ દ્વારા આહુતિ સાથે જ્યોતિ સ્વરૂપ બાલા હનુમાનજી મહારાજના પાવન સન્મુખ પાંચ કુંડનો હોમાત્મક યજ્ઞ રાખેલ છે.

આ ધાર્મિક કાર્યમાં જે ભાવિકો યજ્ઞમાં બેસવા ઈચ્છતા હોય એમને ગુરૂવાર સુધીમાં રામવાડી આશ્રમ ખાતે નામ લખાવી દેવા જણાવાયું છે, આ ઉપરાંત હનુમાન જ્યંતીના પાવન પર્વ બપોરે ૧૨ : ૦૦ ક્લાકે જ્યોતિ સ્વરૂપ બાલા હનુમાનજી મહારાજની મહાઆરતી ઢોલ-નગારા અને ઝાલરો સાથે થશે. ત્યારબાદ આમંત્રીત મહેમાનો માટે બપોરે મહાપ્રસાદ યોજાશે તૅમજ સાંજે ૪ : ૦૦ થી ૭ : ૦૦ દરમ્યાન સંગીતમય સુંદરકાડના પાઠ, હનુમાન ચાલીસા, ધૂન, સકીર્તન રાખેલ છે.

આ પ્રસંગે સૌ સાધક ભાવિક ભક્તજનો સામુહિકમાં સુંદરકાંડના પાઠ કરશે, ત્યારબાદ સાંજે જ્યોતિ સ્વરૂપ બાલા હનુમાનજી મહારાજની દીપમાળા સાથે ઢોલ-નગારા અને ઝાલરોના નાદથી મહાઆરતી કરવામાં આવશે, તો સર્વે ભાવિકોને દર્શનનો ધર્મલાભ લેવા ઉદાસીન સંત કુટિર રામવાડી આશ્રમ દ્વારા એક યાદીમાં જણાવાયું છે.