દ્વારકા-કલ્યાણપુર વિસ્તારના ધારાસભ્ય પબુભા વિરમભા માણેક દ્વારા સ્વ. વિરમભા આશાભા માણેકની પ્રરેણાથી છેલ્લા 30 વર્ષથી પબુભા માણેક પરિવાર દ્વારા સ્વ. વિરમભા આશાભા માણેક ચેરીટેબલ ટ્રસ્ટ દ્વારા વિવિધ જ્ઞાતિના સમુહ લગ્નનું સુંદર આયોજન દર વર્ષે કરવામાં આવે છે.

જેમાં વર્ષ દરમ્યાન અલગ અલગ જ્ઞાતિના સમુહ લગ્નનું આયોજન જે તે જ્ઞાતિજનોને ટાઇમ અનુકુળ હોય તે સમયે દ્વારકા, નાગેશ્ર્વર રોડ પર આવેલ નંદી ગૌશાળામાં સુંદર વ્યવસ્થા સાથે આયોજન કરી આપવામાં આવે છે.

તાજેતરમાં સોરઠીયા વાણંદ જ્ઞાતિના સમુહ લગ્ન યોજવામાં આવે છે જેમાં 1પ નવદંપતિઓએ પ્રભુતામાં પગલા પાડ્યા હતા, આ પ્રસંગે સંતો, મહંતો, વિવિધ સમાજના આગેવાનો મોટી સંખ્યામાં ઉપસ્થિત રહ્યા હતા અને ઉપસ્થિત આગેવાનો સંતોની આયોજક પબુભા માણેક તથા માણેક પરિવારે સન્માન કર્યું હતું.