સંસદના ખાસ સત્ર પહેલા મહિલા અનામત બિલ પર સરકાર કરો યા મરોના મૂડમાં હોય તેવું લાગે છે. કોંગ્રેસ સહિત વિપક્ષી પક્ષો આ મુદ્દા પર સરકારને ઘેરવા માટે તૈયાર છે. સરકાર આજે લોકસભામાં નિયમ ૬૬ ને સ્થગિત કરવા માટે પ્રસ્તાવ રજૂ કરશે. જેનો ઉદ્દેશ્ય મહિલા અનામત અને સીમાંકન બિલને એકસાથે પસાર કરવાનો છે.
સરકાર આજે ત્રણ બિલ રજૂ કરશે. બંધારણીય સુધારો ૧૩૧ બેઠકોની સંખ્યા વધારવાનો પ્રસ્તાવ ધરાવે છે. બીજું બિલ, સીમાંકન બિલ ૨૦૨૬, સીમાંકન કમિશનની રચના કરશે. ત્રીજું બિલ કેન્દ્રશાસિત પ્રદેશ કાયદા (સુધારા) ૨૦૨૬ હશે. કાયદા પ્રધાન અર્જુન રામ મેઘવાલ બંધારણીય સુધારો ૧૩૧ અને સીમાંકન બિલ ૨૦૨૬ રજૂ કરશે. ગૃહ પ્રધાન કેન્દ્રશાસિત પ્રદેશ કાયદા (સુધારા) ૨૦૨૬ રજૂ કરશે.
મહિલા અનામત લાગુ કરતું બિલ લોકસભામાં રજૂ કરવા માટે સૂચિબદ્ધ છે. લોકસભામાં ત્રણ બિલ રજૂ કરવામાં આવશે, જેમાં ૨૦૨૯ સુધીમાં મહિલા અનામતનો અમલ અને લોકસભાની બેઠકોની સંખ્યા ૫૪૩થી વધારીને ૮૫૦ કરવાનો સમાવેશ થાય છે. બંધારણ (૧૩૧મો સુધારો) બિલ, ૨૦૨૬, સીમાંકન બિલ, ૨૦૨૬ અને કેન્દ્રશાસિત પ્રદેશો કાયદા (સુધારા બિલ), ૨૦૨૬, ચર્ચા માટે લોકસભામાં રજૂ કરવામાં આવશે. બુલેટિનમાં જણાવાયું છે કે લોકસભાની કાર્યકારી સલાહકાર સમિતિએ ચર્ચા માટે ૧૮ કલાકનો સમય ફાળવ્યો છે. લોકસભામાં પસાર થયા પછી, આ બિલો રાયસભામાં જશે.
બિલ રજૂ થયાના એક દિવસ પહેલા, અનેક વિપક્ષી પક્ષોના નેતાઓ કોંગ્રેસ પ્રમુખ મલ્લિકાર્જુન ખડગેના નિવાસસ્થાને મળ્યા હતા. નિર્ણય લેવામાં આવ્યો હતો કે તેની સીમાંકન જોગવાઈઓનો જોરદાર વિરોધ કરવામાં આવશે. તેમણે એમ પણ કહ્યું કે લોકસભામાં હાલની ૫૪૩ બેઠકોના આધારે ૨૦૨૯ થી મહિલા અનામત લાગુ કરવી જોઈએ. કોંગ્રેસ નેતા અનતં ગાડગીલે કહ્યું કે આનાથી ઉત્તર અને દક્ષિણ રાયો વચ્ચે ભાવનાત્મક વિભાજન થઈ શકે છે. તેમણે આ કાયદો રજૂ કરવામાં કેન્દ્ર સરકારની ઉતાવળ પર પણ સવાલ ઉઠાવ્યા. વસ્તી ગણતરી અહેવાલ ૨૦૨૭ સુધીમાં તૈયાર થવાની અપેક્ષા છે. બંધારણ પહેલાથી જ અનુસૂચિત જાતિ, અનુસૂચિત જનજાતિ અને અન્ય વર્ગેા માટે પૂરતું પ્રતિનિધિત્વ પ્રદાન કરે છે. ૧૬ થી ૧૮ એપ્રિલ દરમિયાન સંસદનું ત્રણ દિવસનું વિશેષ સત્ર બોલાવવામાં આવ્યું છે. આ સત્ર દરમિયાન, નારી શકિત વંદન કાયદામાં સુધારા રજૂ કરવામાં આવશે, જેનાથી તે ૨૦૨૯ માં લાગુ થઈ શકશે. ગાડગીલે માંગ કરી હતી કે સરકાર અપડેટેડ ડેટાની રાહ જોવાને બદલે, એક દાયકા કરતાં વધુ જૂના ડેટાના આધારે ૨૯ એપ્રિલ પહેલાં બિલ કેમ લાગુ કરી રહી છે તે જાણવાની માંગ કરી.
લોકસભાના વિપક્ષી નેતા રાહત્પલ ગાંધીએ આરોપ લગાવ્યો કે પ્રધાનમંત્રી નરેન્દ્ર મોદી મહિલા અનામતના નામે અન્ય પછાત વર્ગેા (ઓબીસી)નો હિસ્સો ચોરી કરવા માંગે છે, જે રાષ્ટ્ર્રવિરોધી પ્રવૃત્તિ છે. લોકસભામાં મહિલા અનામત સંબંધિત બંધારણીય સુધારા બિલ રજૂ થયાના એક દિવસ પહેલા જારી કરાયેલા એક વીડિયો સંદેશમાં રાહત્પલે કહ્યું કે જો સરકાર મહિલા અનામત લાગુ કરવા માંગે છે, તો તે હાલના નારી શકિત વંદન કાયદાને લાગુ કરી શકે છે અને સીમાંકન પણ નવી વસ્તી ગણતરીના આધારે હોવું જોઈએ, જેમાં ઓબીસી વસ્તી ડેટાનો સમાવેશ થશે.
કોંગ્રેસના ભૂતપૂર્વ પ્રમુખે કહ્યું કે તેમનો પક્ષ મહિલા અનામતને સંપૂર્ણ સમર્થન આપે છે, પરંતુ સરકાર તેના નામે કંઈક બીજું કરવા માંગે છે. તેમણે દાવો કર્યેા કે હવે એક મોટી અપ્રમાણિકતા આચરવામાં આવી રહી છે. પ્રધાનમંત્રી નથી ઇચ્છતા કે આ (મહિલા અનામત)નો નિર્ણય જાતિ વસ્તી ગણતરી અને નવી વસ્તી ગણતરીના આધારે લેવામાં આવે. પ્રધાનમંત્રી તમારો (ઓબીસી) હિસ્સો છીનવી રહ્યા છે. તેઓ ૨૦૧૧ ની વસ્તી ગણતરીનો ઉપયોગ કરવા માંગે છે, જેમાં ઓબીસી વસ્તીનો સમાવેશ થતો નથી. તેઓ તમારી ભાગીદારી છીનવી લેવા માંગે છે. સત્તાધારી ભારતીય જનતા પાર્ટી પર મહિલા અનામતના મુદ્દા પર ઉતાવળમાં આગળ વધવાનો અને વસ્તી ગણતરીમાં વિલબં કરવાનો આરોપ લગાવતા, સમાજવાદી પાર્ટીના પ્રમુખ અને ઉત્તર પ્રદેશના ભૂતપૂર્વ મુખ્યમંત્રી અખિલેશ યાદવે બુધવારે કહ્યું કે મહિલા અનામત બિલ વાસ્તવમાં પીડીએના અધિકારો છીનવી લેવાના મોટા ષડયંત્રનો એક ભાગ છે.