કાળા થઈ ગયેલા હોઠને ફરી ગુલાબી બનાવવા માટે અપનાવો આ ઘરેલું ઉપાય, જલ્દી મળશે ફાયદો

August 21, 2024 11:02 AM

કાળા અથવા પિગમેન્ટવાળા હોઠ દેખાવને બગાડી શકે છે. આ કારણે વ્યક્તિના આત્મવિશ્વાસને પણ અસર થઈ શકે છે. કેટલાક એવા ઘરેલું ઉપચાર છે, જેની મદદથી હોઠનો રંગ કુદરતી રીતે હળવો કરી શકો છો અને તેને નરમ પણ બનાવી શકો છો.

ડાર્ક પિગમેન્ટેડ લિપ્સ ચોક્કસપણે આપણો લુક બગાડે છે. ઉપરાંત સ્વાસ્થ્યની દ્રષ્ટિએ તે વધુ પડતા ધૂમ્રપાન, પોષણની ઉણપ, હોર્મોનલ અસંતુલન અથવા કેટલીક દવાઓની આડઅસરના સંકેત હોઈ શકે છે, જે ગંભીર શારીરિક સમસ્યાઓ તરફ નિર્દેશ કરે છે પરંતુ ગભરાવાની જરૂર નથી થોડી હેલ્ધી લાઈફસ્ટાઈલ, હેલ્ધી ડાયટ અપનાવીને અને હોઠની યોગ્ય કાળજી લઈને આ સમસ્યાથી બચી શકાય છે. ડાર્ક પિગમેન્ટવાળા હોઠને ગુલાબી બનાવવા માટે કેટલાક ઘરેલું ઉપચાર અજમાવી શકાય છે. આ ઉપાયો કુદરતી છે અને ઘરે સરળતાથી કરી શકાય છે.

કાળા હોઠ માટે ઘરેલું ઉપચાર

હાઇડ્રેટેડ રહો - હોઠને અંદરથી હાઇડ્રેટ રાખવા માટે પુષ્કળ પાણી પીવો. પાણીની સાથે જ્યુસ, નારિયેળ પાણી વગેરે પણ પી શકો છો.
હોઠને હંમેશા ચાટવાનું ટાળો - હોઠને ચાટવાથી શુષ્કતા અને પિગમેન્ટેશન થઈ શકે છે. તેથી આવું કરવાનું ટાળો. જો હોઠ શુષ્ક લાગે તો તેના પર લિપ બામ લગાવી શકો છો.
લીંબુનો રસ અને મધ લગાવો - લીંબુના રસમાં મધ ભેળવીને હોઠ પર લગાવવાથી હોઠનો રંગ નિખારી શકાય છે. તેને હોઠ પર રાતભર રહેવા દો.
બીટરૂટનો રસ - બીટરૂટનો રસ અથવા તેની પેસ્ટ હોઠ પર લગાવવાથી હોઠ ગુલાબી થઈ શકે છે. તેને હોઠ પર 15-20 મિનિટ માટે રહેવા દો, પછી હોઠને સામાન્ય પાણીથી ધોઈ લો.
ધૂમ્રપાન ટાળો - ધૂમ્રપાન માત્ર ફેફસાંને જ નુકસાન નથી પહોંચાડતું પણ હોઠને કાળા પણ કરે છે. તેથી વ્યક્તિએ ધૂમ્રપાન ન કરવું જોઈએ.
ગુલાબની પાંખડીઓ અને દૂધ - ગુલાબની પાંદડીઓને પીસીને દૂધમાં મિક્સ કરીને પેસ્ટ બનાવો. આ પેસ્ટને હોઠ પર લગાવો અને 15 મિનિટ પછી ધોઈ લો.
નાળિયેર તેલથી ભેજ જાળવી રાખો - નાળિયેર તેલમાં વિટામિન ઇ હોય છે, જે હોઠને મોઇશ્ચરાઇઝ કરે છે અને તેનો રંગ હળવો કરે છે. તેને દિવસમાં 3 થી 4 વખત હોઠ પર લગાવો.
બદામનું તેલ અને મધ - વિટામિન ઈથી ભરપૂર બદામના તેલમાં મધ ભેળવીને હોઠ પર લગાવવાથી હોઠનો રંગ નિખારી શકાય છે.
ખાંડ અને લીંબુનો સ્ક્રબ - ખાંડ અને લીંબુનો રસ મિક્સ કરીને હોઠ પર હળવા હાથે મસાજ કરો. આનાથી હોઠની ડેડ સ્કિન નીકળી જશે અને તેનો રંગ હળવો થઈ જશે.