લોબિંગ, ખેંચતાણ અને લાંબી કવાયત પછી ભાજપે આખરે ગઈકાલે મોડી રાત સુધી પંચાયતોની ચૂંટણીના ઉમેદવારોની યાદી જાહેર કરવાનું ચાલુ રાખ્યું હતું. બળવાની બીકે ભાજપે છેલ્લી ઘડીએ ઉમેદવારોના નામોની જાહેરાત કરી હોવાનું બોલાઈ રહ્યું છે.૬૬ નગરપાલિકાઓ ત્રણ તાલુકા પંચાયતો અને જૂનાગઢ મહાનગરપાલિકાની સામાન્ય ચૂંટણી ઉપરાંત બોટાદ અને વાંકાનેર નગરપાલિકાઓની મધ્ય સત્ર ચૂંટણી આગામી તારીખ ૧૬ ફેબ્રુઆરીના રોજ યોજવાની છે. આ ચૂંટણીની સાથો સાથ જિલ્લા– તાલુકા પંચાયતો, નગરપાલિકાઓ અને મહાનગરપાલિકાઓમાં ખાલી પડેલી બેઠકોની પેટા ચૂંટણી પણ યોજવાની છે. સ્થાનિક સ્વરાયની આ ચૂંટણીમાં ભાજપે દરેક નગરપાલિકા વિસ્તારમાં અને જૂનાગઢમાં મહાનગરપાલિકાની ચૂંટણી માટે નિરીક્ષકો મોકલ્યા હતા, પ્રદેશ નિરીક્ષકોના અહેવાલ પછી બે દિવસ સુધી ગાંધીનગરમાં મુખ્યમંત્રીના બંગલે ભાજપના પ્રદેશ પાર્લામેન્ટરી બોર્ડની બેઠક પણ મળી હતી. છેલ્લી ઘડી સુધી કોને ટિકિટ આપવામાં આવશે તેનું સસ્પેન્સ જાળવ્યા પછી આખરે ગઈ કાલ રાતથી એક પછી એક યાદીઓ જાહેર કરવાનું શ કરાયું હતું અને રાત્રે મોડે સુધી આ કામગીરી ચાલુ રહી હતી.
આજે ઉમેદવારી પત્ર ભરવાનો છેલ્લો દિવસ હોવાથી સવારથી જ ભારે ઘસારો જોવા મળ્યો હતો. સોમવારે ઉમેદવારી પત્રોની ચકાસણી કરવામાં આવશે અને મંગળવારે ફોર્મ પાછા ખેંચી લેવા માટેની છેલ્લી તારીખ જાહેર કરવામાં આવી છે. તારીખ ૧૬ ફેબ્રુઆરીએ સવારે સાત વાગ્યાથી સાંજના છ વાગ્યા સુધી મતદાન રાખવામાં આવ્યું છે. જો કોઈ કિસ્સામાં પુન: મતદાન ની જર પડશે તો તે તારીખ ૧૭ ફેબ્રુઆરીએ યોજવામાં આવશે. તારીખ ૧૮ ફેબ્રુઆરીના રોજ મત ગણતરી હાથ ધરીને પરિણામો જાહેર કરવામાં આવશે