દેવભૂમિ દ્વારકા જિલ્લાની મોટરિંગ પબ્લિક/ વાહન માલિકોને જણાવવાનું કે, TRANSORT (ટ્રાન્સપોર્ટ કેટેગરી)ની સીરીઝ GJ-37-V(વી), Construction પ્રકારના વાહનો (OTH કેટેગરી)ની સીરીઝ GJ-37-S(એસ), ટુ-વ્હીલર (2W)ની સીરીઝ GJ-37-P(પી) તથા GJ-37-N(એન), ફોર-વ્હીલર(LMV)ની સીરીઝ GJ-37-M(એમ), GJ-37-J(જે) તેમજ થ્રી-વ્હીલર(૩W) રીક્ષાની GJ-37-U(યુ) કેટેગરીમાં બાકી રહેલા ગોલ્ડન તથા સિલ્વર નંબર માટે ઇ-ઓકસન પ્રક્રિયા હાથ ધરવામાં આવનાર છે.

જે અન્વયે ઓનલાનઇન અરજીનો સમયગાળો તા.૨૮/૧૦/૨૦૨૪થી તા.૩૦/૧૦/૨૦૨૪ સુધીનો રહેશે. તેમજ ઇ-ઓકશનનો બિડિંગ કરવાનો સમયગાળો તા.૩૦/૧૦/૨૦૨૪ થી ૦૧/૧૧/૨૦૨૪ સુધીનો રહેશે. આ અંગે ઇ-ઓકસનનું પરિણામ તારીખ ૦૧/૧૧/૨૦૨૪ના સાંજે ૦૪-૦૦ કલાકે જાહેર કરવામાં આવશે.

દેવભૂમિ દ્વારકા જિલ્લાના વાહન માલિકોએ સૌ પ્રથમ WWW.PARIVAHAN.GOV.IN વેબસાઇટ પર રજીસ્ટ્રેશન કરાવ્યા બાદ યુઝર આઇ.ડી અને પાસવર્ડ મેળવવાનો રહેશે અને ત્યાર બાદ આ વેબસાઇટ પર લોગ ઈન કરી વાહન ખરીદીના દિવસ-૭ની અંદર ઓનલાઇન સી.એન.એ. ફોર્મ ભરવાનું રહેશે. વાહન માલિકે ગોલ્ડન અને સિલ્વર અને અન્ય પસંદગીના નંબર પરથી કોઇ એક નંબર પસંદ કરીને ઓનલાઇન પેમેન્ટ પ્રક્રિયા કરીને ઓનલાઇન રસીદ મેળવી લેવાની રહેશે.

ઉલ્લેખનીય છે કે, વાહન માલિક પોતાની બિડ ઉપરોકત દર્શાવેલ સમયગાળા દરમ્યાન ૧૦૦૦ના ગુણાંકમાં વધારી શકશે. પસંદગીના લાગેલ નંબરવાળા અરજદારોએ બીડ અમાઉન્ટના નાણાંનું ચુકવણું દિવસ પાંચમા ઓનલાઇન કરવાનું રહેશે. જેમાં નિષ્ફળ જશે તો મૂળ ભરેલી રકમ જપ્ત કરી ફરીવાર હરાજી કરવામાં આવશે. આ ઈ ઑક્સનના અંતે અસફળ થયેલ અરજદારોને હાલની મેન્યુઅલ પદ્ધતિ પ્રમાણે નાણા પરત કરવાના હોવાથી નેટ બેન્કિંગ, ક્રેડિટ/ ડેબિટ કાર્ડથી ચુકવણું કર્યું હોય તે જ મોડથી નાણા અરજદારશ્રીના તે જ ખાતામાં SBI-EPAY દ્વારા પરત કરવામાં આવશે તેમ સહાયક પ્રાદેશિક વાહન વ્યવહાર અધિકારીશ્રી દેવભૂમિ દ્વારકાની યાદીમાં જણાવાયું છે.