આંતરરાષ્ટ્રીય જળસીમા નજીકથી ગુજરાતના દરિયામાં આવી રહેલી પાકિસ્તાનની એક બોટમાં મોટી માત્રામાં ડ્રગ્સ હોવાની માહિતી કોસ્ટગાર્ડ અને એ.ટી.એસ.ને મળતા રાત્રિના સમયે દરિયામાં વોચ ગોઠવવામાં આવતા શંકાસ્પદ બોટ ડિટેકટ થઇ હતી. સુરક્ષા એજન્સીઓ એ બોટ સુધી પહોંચે એ દરમ્યાન જ ડ્રગ્સનો ૩૧૧ પેકેટ જથ્થો કે જેની કિંમત ૧૮૦૦ કરોડ થવા જાય છે તે સમુદ્રમાં ફેંકીને પેડલરો તેમની બોટ સાથે અંધારામાં ઓગળી જતા ભારે ચર્ચાઓ જાગી છે.
તા. ૧૨-૧૩ એપ્રિલના રાત્રે ઓપરેશન
૧૨-૧૩ એપ્રિલ ૨૫ ના રોજ રાત્રે ભારતીય કોસ્ટ ગાર્ડે ગુજરાત એટીએસ સાથે સંયુક્ત રીતે સમુદ્રમાં ગુપ્ત માહિતી આધારિત નાર્કોટિક્સ વિરોધી ઓપરેશન હાથ ધર્યું. આશરે ‚ા. ૧૮૦૦ કરોડની કિંમતનો ૩૧૧ પેકેટ માદક દ્રવ્યો જપ્ત કરવામાં આવ્યો છે.
બોટને અટકાવવામાં મળી સફળતા
આ ઓપરેશન આંતર-એજન્સી સંકલનનું એક ઉત્તમ ઉદાહરણ હતું જેમાં ગુજરાત એટીએસ તરફથી પુષ્ટિ કરાયેલ ઇનપુટના આધારે, ઉત્તર મહારાષ્ટ્ર, દક્ષિણ ગુજરાત વિસ્તારમાં બહુ-મિશન તૈનાતી પર રહેલા કોસ્ટ ગાર્ડ ક્ષેત્ર (પશ્ર્ચિમ) ના એક ભારતીય કોસ્ટ ગાર્ડે જહાજે  આંતરરાષ્ટ્રીય દરિયાઇ સીમા રેખા ની નજીક ટ્રાન્સશિપમેન્ટના પ્રયાસને તે હાથ ધરાય તે પહેલાં જ ડાયવર્ટ કર્યો અને અટકાવ્યો, જેના કારણે સફળ કામગીરી થઈ.