ચોટીલા નજીક જસદણ રોડ પર મોટરસાઇકલ સ્લીપ થતા યુવકને ગંભીર ઇજા થવાથી સારવાર માટે રાજકોટ ખસેડવામાં આવતા ટૂંકી સારવાર દરમિયાન મોત થયું હતું. યુવકના મોટર સાઇકલ આડે રોઝડું ઉતરતા સ્લીપ થવાથી બનાવ બન્યો હતો.
પ્રા વિગત મુજબ ચોટીલાના ખેરાણા ગામે રહેતા જગુભાઈ સવાભાઈ માલકીયા (ઉ.વ.૪૫) નામના યુવક ગઈકાલે સાંજે સાતેક વાગ્યે મોટરસાઇકલ લઇ ચોટીલાથી ખાતર લઈને ઘરે પરત જતા હતા ત્યારે જસદણ રોડ પર મોટરસાઇકલ આડે અચાનક રોઝડું ઉતરતા ચાલકે બ્રેક મારતા મોટરસાઇકલ સ્લીપ થવાથી ચાલકને માથા સહિતના ભાગે ઇજા થતા પ્રથમ ચોટીલા અને ત્યાંથી રાજકોટ સિવિલ હોસ્પિટલમાં ખસેડાતા ટૂંકી સારવાર દરમિયાન દમ તોડી દીધો હતો. બનાવની જાણ હોસ્પિટલ ચોકીના સ્ટાફે ચોટીલા પોલીસને કરતા પોલીસએ હોસ્પિટલ પહોંચી જરી કાર્યવાહી કરી હતી. મૃત્યુ પામનાર બે ભાઈ એક બહેનમાં મોટા હતા અને સંતાનમાં એકે પુત્ર છે. બનાવથી પરિવારમાં ગમગીની છવાઈ છે