બોલિવૂડની અભિનેત્રી દીપિકા પાદુકોણ આ દિવસોમાં તેની પ્રેગ્નન્સીને એન્જોય કરી રહી છે. થોડા સમય પહેલા જ અભિનેત્રી મુંબઈમાં એક ઈવેન્ટમાં જોવા મળી હતી.

તેમાં તેણે પીળા રંગનું સુંદર ગાઉન પહેર્યું હતું, જેમાં તેનો બેબી બમ્પ પણ સ્પષ્ટ દેખાઈ રહ્યો હતો. અભિનેત્રીના આ ગાઉન વિશે એક સમાચાર સામે આવી રહ્યા છે. એવું કહેવામાં આવી રહ્યું છે કે તેણે પોતાનો આ સુંદર ગાઉન હરાજી કરીને વેચી દીધો છે.

દીપિકાએ ગાઉનની કરી હરાજી

મોમ ટુ બી દીપિકા પાદુકોણે ગયા શુક્રવારે તેની બ્યુટી બ્રાન્ડ 82°E દ્વારા આયોજિત એક કાર્યક્રમમાં હાજરી આપી હતી. આ દરમિયાન તે તેના ઇન્સ્ટાગ્રામ પર પણ લાઇવમાં આવી હતી. આ ઇવેન્ટમાં દીપિકાએ પીળા રંગનો ગાઉન પહેર્યો હતો, જેમાં તેના ચહેરા પરનો પ્રેગ્નન્સી ગ્લો દેખાઈ રહ્યો હતો.

દીપિકાએ તેના આ ગાઉનની હરાજી કરી, જેની માહિતી તેણે પોતે ઈન્સ્ટાગ્રામ પર શેર કરી હતી. ચેરિટી માટે 'ફ્રેશ ઓફ ધ રેક' પહેલના ભાગ રૂપે આ ગાઉન હરાજી માટે મૂકવામાં આવ્યો હતો.

અભિનેત્રીએ તેની ઇન્સ્ટા સ્ટોરી પર લિંક આપી અને આ ગાઉનની કિંમત વિશે જણાવ્યું અને તેમાં તેનો ફોટો પોસ્ટ કર્યો. દીપિકા પાદુકોણનું આ ગાઉન 34 હજાર રૂપિયામાં વેચાયું છે. અભિનેત્રી આ ગાઉનના પૈસા ડોનેટ કરવાની છે.

દીપિકા પાદુકોણ આ વર્ષે સપ્ટેમ્બરમાં બાળકને જન્મ આપશે. પાદુકોણ અને ભવનાની પરિવાર ખૂબ ખુશ છે. દરેક વ્યક્તિ બાળકની રાહ જોઈ રહ્યું છે. અભિનેત્રી મુંબઈના બાંદ્રા સ્થિત ભાભા હોસ્પિટલમાં પતિ રણવીર સિંહ સાથે પોતાનો મત આપવા આવી ત્યારે જોવા મળી હતી.

દીપિકા પાદુકોણની ફિલ્મની વાત કરીએ તો તે છેલ્લે ફાઈટર ફિલ્મમાં જોવા મળી હતી. હવે અભિનેત્રી ટૂંક સમયમાં રોહિત શેટ્ટીની ફિલ્મ સિંઘમ અગેઇનમાં જોવા મળશે. આ ફિલ્મ આ વર્ષે દિવાળી પર રિલીઝ થવાની છે. દીપિકાની સાથે તેનો પતિ રણવીર સિંહ પણ આ ફિલ્મમાં જોવા મળશે. આ સિવાય તે પ્રભાસની ફિલ્મ કલ્કી 2898ADમાં કામ કરતી જોવા મળશે.