બે પ્લાન્ટમાંથી 61500નો મુદામાલ ચોરી કરી ગયા

જામજોધપુર તાલુકાના બાલવા ગામની સીમ સોલાર કમ્પાઉન્ડમાં ત્રાટકેલા તસ્કરો કુલ 61500ની કિંમતનો કોપર વાયર ચોરી કરી ગયા છે આ અંગે અજાણ્યા ઇસમો વિરુઘ્ધ ગઇકાલે પોલીસ ફરીયાદ નોંધાવવામાં આવી છે.

જામજોધપુરના તિરુપતી-ચિત્રકુટ સોસાયટમાં રહેતા મિતેશ કાંતીભાઇ બુટાણીની માલિકીના બાલવા સીમ ખાતે રહેતા બંધ કમ્પાઉન્ડવાળા ડીમ્પલ એનર્જી તથા શિવમ એનર્જીના સોલાર પ્લાન્ટમાં ગત તા. 24ના રાત્રના કોઇપણ સમયે અજાણ્યા ઇસમોએ ગેરકાયદે પ્રવેશ કર્યો હતો.

દરમ્યાન પ્લાન્ટમાંથી અજાણ્યા ઇસમોએ ત્રાટકીને ડીમ્પલ એનર્જીમાંથી 600 મીટર કોપર વાયર અને શિવમ એનર્જીના સોલાર પ્લાન્ટમાંથી 425 મીટર કોપર વાયર મળી કુલ 61500ની કિંમતનો મુદામાલ ચોરી કરી તેમજ નુકશાની કરીને નાશી છુટયા હતા. આ ફરીયાદના આધારે જામજોધપુર પોલીસ દ્વારા તપાસના ચક્રો ગતીમાન કરવામાં આવ્યા છે.