ભારત અને ચીન વચ્ચે ગલવાન ખીણમાં થયેલી અથડામણ બાદ ચાર વર્ષથી સૈન્ય સંઘર્ષ થયો નથી તેમ છતાં ચીની સૈન્ય દ્વારા હિમાલીયન સરહદે ઈન્ફ્રાસ્ટ્રક્ચરનું નિર્માણ જોરશોરથી થઈ રહ્યું છે અને તેમાં તે ભારત કરતા ખુબ જ આગળ છે તેવા અહેવાલો આવ્યા છે. અહેવાલમાં જણાવવામાં આવ્યું છે કે, ચીનની બાજુએ ’ઝિયાઓકાંગ’ ગામોનો દ્વિ-ઉપયોગ કરવાનું ચાલુ રાખ્યું છે, સૈન્ય સ્થાનોને મજબૂત બનાવ્યા છે અને એલએસીની આસપાસના તેના થાણાઓ પર વધુ ફાઇટર જેટ તૈનાત કર્યા છે.

ઉપગ્રહો, ગુપ્તચર અહેવાલો અને અન્ય ઇનપુટ્સની છબીઓ દર્શાવે છે કે લદ્દાખથી અરુણાચલ પ્રદેશ સુધી વિસ્તરેલા 3,488 કિલોમીટરના  એલએસીના ત્રણેય ક્ષેત્રોમાં ચીનની પ્રવૃત્તિ ચાલુ છે તેમ સંરક્ષણ અને સુરક્ષા સંસ્થાના સૂત્રોએ જણાવ્યું હતું. ઉદાહરણ તરીકે, ચીને તાજેતરમાં જ સેમઝંગલિંગના ઉત્તરી ભાગથી ગાલવાન ખીણ સુધીનો રોડ બનાવવાનું કામ પૂર્ણ કર્યું છે. આ માર્ગ ચીની સૈન્યને પ્રદેશમાં ઝડપથી સૈનિકો તૈનાત કરવા માટે 15-કિમી ટૂંકા વૈકલ્પિક માર્ગ સાથે પ્રદાન કરે છે.

15 જૂન, 2020 ના રોજ ગલવાનમાં હિંસક અથડામણ થઇ હતી જેમાં 20 ભારતીય સૈનિકો શહીદ થયા હતા અને 40થી વધુ ચીની સૈનિકો માયર્િ ગયા હતા તેના ત્રણ અઠવાડિયા પછી, ગેલવાન ખીણમાં પેટ્રોલિંગ પોઇન્ટ -14 ની આસપાસ પેટ્રોલિંગ વિના બફર ઝોનની સ્થાપ્ના કરવામાં આવી હતી.
ચીનની સેના કથિત રીતે પેંગોંગ ત્સો સરોવરની બંને બાજુના બફર ઝોન પાછળ સૈન્ય અને પરિવહન સુવિધાઓ વધારી રહી છે. આમાં કૈલાશ શ્રેણી અને ગોગરા ખાતેના ગરમ ઝરણાનો સમાવેશ થાય છે, જે તમામ મુખ્યત્વે એવા પ્રદેશોમાં સ્થિત છે કે જેનો ભારત પોતાના પ્રદેશ તરીકે દાવો કરે છે.
ચીની સૈન્ય તેની આગળની સ્થિતિ સુધી પહોંચવા માટે રસ્તાઓ, પુલ, ટનલ અને હેલિપેડ બનાવીને છેલ્લા માઈલની કનેક્ટિવિટી સુધારવા પર ધ્યાન કેન્દ્રિત કરી રહ્યું છે. વધુમાં, તેઓ એલએસીની સાથે અન્ય વિસ્તારોમાં નવા બંકરો, શિબિરો, ભૂગર્ભ આશ્રયસ્થાનો, આર્ટિલરી પોઝિશન્સ, રડાર સાઇટ્સ અને દારૂગોળાના ડમ્પ્નું નિર્માણ કરી રહ્યા છે. વિવિધ અહેવાલો અનુસાર, ભારતે પણ મિરર મિલિટરી ડિપ્લોયમેન્ટ્સ સાથે ચીન સાથે મેચ કરવાનું ચાલુ રાખ્યું છે.

નોંધપાત્ર રીતે, ચીને વધુ લડાયક વિમાનો, બોમ્બર્સ, જાસૂસી વિમાનો અને ડ્રોન તૈનાત કરીને ઉચ્ચ-ઉંચાઈવાળા ભૂપ્રદેશની મયર્દિાઓને કારણે સંભવિત હવાઈ લડાઇમાં વધુ સક્ષમ સ્થાન પ્રાપ્ત કર્યું છે. હોટન, કાશગર, ગાર્ગુન્સા, શિગાત્સે, બાંગડા અને નિંગચી ખાતેના વિમાન મથકોને ચીને વધુ સુવિધાવાળા બનાવ્યા છે. જેમાં નવા અને લાંબા રનવે, આશ્રયસ્થાનો અને બળતણ અને દારૂગોળો માટે સંગ્રહ સુવિધાઓ અપગ્રેડ કરવામાં આવી છે.
નવીનતમ માહિતી મુજબ, બે નવા જેએહ7એ ફાઇટર-બોમ્બર્સ અને ત્રણ વાય-20 હેવી-લિફ્ટ એરક્રાફ્ટ, અન્યો સાથે, શિનજિયાંગના હોટનમાં તૈનાત છે. આ સ્થાન પર તૈનાત લગભગ 50 જે-11 અને જે-7 ફાઇટર, પાંચ વાય-8 અને વાય-7 ટ્રાન્સપોર્ટ એરક્રાફ્ટ અને કેજે-500 એરબોર્ન અર્લી વોર્નિંગ એન્ડ કંટ્રોલ એરક્રાફ્ટ તૈનાત છે.