દક્ષિણ પેરુમાં બુધવારે વહેલી સવારે એક પેસેન્જર બસ બીજા વાહન સાથે અથડાઈ અને ઊંડી ખાડીમાં પડી ગઈ. આ અકસ્માતમાં ઓછામાં ઓછા 37 લોકો માર્યા ગયા છે અને 24 અન્ય ઘાયલ થયા છે. બસ ચલા શહેરથી નીકળી હતી અને દક્ષિણ પેરુના ખાણકામ ક્ષેત્ર અરેક્વિપા તરફ જઈ રહી હતી.દક્ષિણ પેરુમાં થયેલો અકસ્માત તાજેતરના વર્ષોમાં દક્ષિણ અમેરિકન દેશમાં થયેલા સૌથી ભયંકર અકસ્માતોમાંનો એક છે. જેમાં ૩૭ લોકોના મોત અને ૨૪ ઘાયલ થયા છે. અરેક્વિપાના પ્રાદેશિક આરોગ્ય વ્યવસ્થાપક વોલ્થર ઓપોર્ટોએ જણાવ્યું હતું.લામોસાસ કંપની દ્વારા સંચાલિત બસ, કારાવેલી પ્રાંતના ચલા શહેરથી અરેક્વિપા જઈ રહી હતી. તેમાં લગભગ ૬૦ મુસાફરો મુસાફરી કરી રહ્યા હતા.વળાંક પર પિકઅપ ટ્રક સાથે સામસામે અથડાયા બાદ બસ ૨૦૦ મીટર ઊંડી ખાડીમાં પડી ગઈ.

આ ટક્કરનું કારણ અસ્પષ્ટ છે. આ વર્ષના ઓગસ્ટમાં પણ આવો જ એક અકસ્માત સર્જાયો હતો જેમાં હાઇવે પર એક બસ પલટી ગઈ હતી, જેમાં ૧૦ લોકો માર્યા ગયા હતા. જુલાઈમાં, રાજધાની લીમાથી પેરુના એમેઝોન પ્રદેશ તરફ જતી બીજી બસ પલટી ગઈ હતી, જેમાં ઓછામાં ઓછા 18 લોકો માર્યા ગયા હતા અને 48 ઘાયલ થયા હતા.