મધ્યપ્રદેશના ટીકમગઢ જિલ્લામાં પિતાના અંતિમ સંસ્કારને લઈને બે ભાઈઓ વચ્ચે વિવાદનો અમાનવીય અને દર્દનાક કિસ્સો સામે આવ્યો છે. પિતાના અંતિમ સંસ્કારને લઈને બે ભાઈઓ વચ્ચે બોલાચાલી થઈ અને મામલો એટલો વધી ગયો કે એક ભાઈએ પિતાની અડધી લાશ માંગી લીધી. પોલીસે દરમિયાનગીરી કરીને બંને પક્ષોને સમજાવ્યા અને અંતિમ સંસ્કાર કરાવ્યા. પોલીસે જણાવ્યું કે આ ઘટના રવિવારે જિલ્લા મુખ્યાલયથી લગભગ ૪૫ કિલોમીટર દૂર લિધોરાતાલ ગામમાં બની હતી. પોલીસના જણાવ્યા અનુસાર ધ્યાની સિંહ ઘોષ (૮૪) તેમના નાના પુત્ર દેશરાજ સાથે ગામડામાં રહેતા હતા અને લાંબી માંદગીને કારણે મૃત્યુ પામ્યા હતા. પિતાના મૃત્યુની માહિતી મળતાં જ અન્ય જગ્યાએ રહેતો તેનો મોટો પુત્ર કિશન પણ ગામમાં પહોંચી ગયો હતો. તેણે એમ કહીને હંગામો શ કર્યેા કે તે તેના પિતાના અંતિમ સંસ્કાર કરશે પરંતુ નાના પુત્રએ કહ્યું કે તેના પિતાની ઈચ્છા છે કે તે તેના અંતિમ સંસ્કાર કરે. બંને ભાઈઓ વચ્ચેનો વિવાદ એટલો વધી ગયો કે કિશને તેના પિતાના શરીરને બે ભાગમાં વહેંચીને બંનેને આપવાની માંગ કરી. વિવાદ વધતો જોઈ લોકોએ પોલીસને જાણ કરી. પોલીસની સમજાવટથી મોટો પુત્ર કિશન ત્યાંથી ચાલ્યો ગયો હતો અને પિતાના અંતિમ સંસ્કાર નાના પુત્ર દેશરાજે કર્યા હતા.