ઉત્તર-પૂર્વ નાઇજીરીયામાં બોકો હરામ ઉગ્રવાદી જૂથે બે અલગ-અલગ હુમલામાં ઓછામાં ઓછા 37 ગ્રામવાસીઓને મારી નાખ્યા હતા. ઇસ્લામિક ઉગ્રવાદી બળવાખોરોએ યોબે રાજ્યના ગીદામ જિલ્લામાં ગ્રામજનોને નિશાન બનાવ્યા હતા. તેઓએ પહેલા 17 લોકોને ગોળી મારીને મારી નાખ્યા, અને જ્યારે લોકો આ મૃતકોને દફનાવવા ગયા ત્યારે ત્યાં ઉગ્રવાદીઓએ બિછાવેલી જમીની સુરંગ ફાટતા 20 અન્ય લોકોના મોત નીપજ્યા હતા.


યોબે રાજ્યના ગીદામ જિલ્લાના લોકો છેલ્લા 14 વર્ષથી ઈસ્લામિક ઉગ્રવાદી બળવાખોરોના હુમલાનો ભોગ બની રહ્યા છે. તમને જણાવી દઈએ કે ઈસ્લામિક કટ્ટરપંથી જૂથ બોકો હરામે 2009માં પૂર્વોત્તર નાઈજીરિયામાં આ વિસ્તારમાં ઈસ્લામિક કાયદા અથવા શરિયાનું કટ્ટરપંથી અર્થઘટન સ્થાપિત કરવાના પ્રયાસમાં બળવો શરૂ કર્યો હતો.
નાઇજીરીયામાં પહેલો હુમલો સોમવારે મોડી રાત્રે (30 ઓક્ટોબર) ગીદામના દૂરના ગુરોકૈયા ગામમાં થયો હતો જેમાં 17 લોકો માયર્િ ગયા હતા. આ ઘટના વિશે માહિતી આપતા ગુરોકૈયા ગામના રહેવાસી શૈબુ બાબાગાનાએ જણાવ્યું હતું કે 17 લોકોને દફનાવવા માટે જ્યારે 20 ગ્રામવાસીઓ કબ્રસ્તાનમાં જઈ રહ્યા હતા, ત્યારે મંગળવારે રસ્તામાં લેન્ડમાઈન ફાટતાં તેઓના મોત થયા હતા.


અન્ય એક રહેવાસી ઈદ્રિસ ગીદમે જણાવ્યું કે માયર્િ ગયેલા લોકોની સંખ્યા 40થી વધુ છે. ઇદ્રિસ ગીદમે કહ્યું કે બોકો હરામ દ્વારા તાજેતરના સમયમાં કરવામાં આવેલ આ સૌથી ભયાનક હુમલાઓમાંથી એક છે. તમારા પ્રિયજનોને ગુમાવ્યા પછી તરત જ દફનાવવામાં આવેલા જૂથ દ્વારા હુમલો કરવો તે ખૂબ જ ભયાનક છે.નાઈજીરિયામાં ઈસ્લામિક કટ્ટરપંથી જૂથ બોકો હરામ ખૂબ જ ઘાતક રીતે લોકોની હત્યા કરે છે. તેનો અંદાજ એ વાત પરથી લગાવી શકાય છે કે યોબેના પડોશી રાજ્ય બોર્નોમાં છેલ્લા 14 વર્ષમાં ઓછામાં ઓછા 35,000 લોકોના મોત થયા છે અને 20 લાખથી વધુ લોકો ઉગ્રવાદી હિંસાને કારણે વિસ્થાપિત થયા છે. આ જૂથના સ્થાપક, મૌલવી મોહમ્મદ યુસુફના જણાવ્યા અનુસાર, મુસ્લિમોને મતદાન કરવા અને બિનસાંપ્રદાયિક હોવા પર સખત પ્રતિબંધ છે.

આ જૂથ સમગ્ર વિશ્વમાં શરિયા કાયદા લાગુ કરવાની વાત કરે છે. આ લોકો ઘણીવાર બાળકોને માનવ બોમ્બમાં ફેરવીને હુમલાઓ કરે છે. આ લોકો દરરોજ ગ્રામજનોની હત્યા કરી રહ્યા છે અને ખંડણી માટે પ્રવાસીઓનું અપહરણ કરી રહ્યા છે, જેને રોકવામાં નાઈજીરિયાની સરકાર સફળ રહી નથી. આ વર્ષે મે મહિનામાં દેશના રાષ્ટ્રપતિ બોલા ટીનુબુએ પદ સંભાળ્યું હતું. જો કે, તેઓ પણ આવી ઘટનાઓને કાબૂમાં લેવામાં સફળ રહ્યા નથી.