પોરબંદરના બગવદર ગામના પી.જી.વી.સી.એલ. સબ ડિવિઝન કચેરીમાં જુનીયર ઇજનેર અને સીકયુરીટી ગાર્ડ સહિતના કર્મચારીઓ ઉપર બે શખ્શોએ હુમલો કરી ફરજમાં ‚કાવટ કરતા પોલીસ ફરિયાદ નોંધાવાઇ છે, મારામારી અને ઝપાઝપીના વીડિયોનુ મોબાઇલથી શુટીંગ કરી રહેલ મહિલા કર્મચારી પાસેથી મોબાઇલ છીનવી લઇને વીડિયો ડીલીટ કરી નાખવામાં આવ્યો છે આથી ફરજમાં ‚કાવટ સહિતની કલમો હેઠળ બે ઇસમો સામે ગુન્હો દાખલ થયો છે.
પોરબંદરના બોખીરામાં રીલાયન્સ પેટ્રોલપંપ પાછળ આવેલી અયોધ્યા નગરીમાં રહેતા મૂળ રાતીયા ગામના અને  બગવદર ગામે પી.જી.વી.સી.એલ.ની સબ ડિવીઝન કચેરીમાં જુનીયર ઇજનેર તરીકે ફરજ બજાવતા રવિ સાંગણભાઇ મોકરીયા નામના ૨૯ વર્ષના યુવાને  બગવદર પોલીસ મથકમાં એવી ફરિયાદ નોંધાવી છે કે તા. ૧૬-૧૦ના સાંજે પોણા છ વાગ્યે  ફરીયાદી રવિભાઇ તથા પી.જી.વી.સી.એલ.ના અન્ય કર્મચારીઓ ઓફિસવર્ક કરતા હતા ત્યારે કચેરીની ફોલ્ટ ઓફિસમાં દેકારો થતો હોવાથી ફરીયાદી રવિભાઇ મોકરીયાએ બહાર નીકળીને જોયુ તો એપ્રેન્ટીસ તરીકે નોકરી કરતા શૈલેષભાઇ કાણેત હાજર હતા અને વાછોડા અને ખ્રીસ્તી એમ બે ગામના ૨૦ થી ૨૫ માણસોનુ ટોળુ વાછોડા ફીડર ચાલુ કરવા માટે રજૂઆત કરતા હતા જે પૈકી બે વ્યક્તિઓ ભરત ભીમા  ખીસ્તરીયા અને અરસી હરદાસ કે જે બંને ખિસ્ત્રી ગામે રહે છે.  તે બંનેને ઓફિસે અવારનવાર વીજતંત્રની સમસ્યા અંગે રજૂઆત કરવા આવતા હોવાથી તેઓને ફરીયાદી રવિ મોકરીયા ઓળખતા હતા આ માણસો પૈકી ભરત અને અરસીએ ફરીયાદી રવિને ઘેરી વળ્યા હતા અને ઉગ્ર થઇને કોલર પકડી ઝાપટો અને ઢીકા તથા મુક્કા મારવા લાગ્યા હતા આથી સીકયુરીટી ગાર્ડ પોપટભાઇ ગોગન ઓડેદરા બચાવવા માટે વચ્ચે પડતા તેની સાથે પણ ભરત ભીમા  ખીસ્તરીયા અને અરસી હરદાસે ઝપાઝપી કરી હતી.
પોતાની જ કચેરીમાં આ પ્રકારનો ડખ્ખો અને મારામારી થતા હોવાથી જુનીયર આસીસ્ટન્ટ રાંભીબેન મોઢવાડીયા તેના મોબાઇલમાંથી વીડિયો શુટીંગ કરતા હતા. જે ભરત ભીમા ખીસ્તરીયા જોઇ જતા તેણે રાંભીબેન પાસેથી મોબાઇલ છીનવી લીધો હતો અને વીડિયો ડીલીટ કરી નાખ્યો હતો.
લાઇન ઇન્સપેકટર જેઠાભાઇ માલદેભાઇ મોઢવાડીયા કચેરીના કમ્પાઉન્ડમાં ઉભા હતા તેમની સાથે પણ આ બંને ઇસમોએ ગેરવર્તન કર્યુ હતુ. ફરીયાદી રવિ મોકરીયાએ પોલીસને ફોન કરતા ભરતે ‘જો તુ પોલીસ ફરિયાદ કરીશ તો તારે અમારા જ વિસ્તારમાં નોકરી કરવાની છે અમે તારા હાથપગ ભાંગી નાખશુ અને પતાવી દેશુ’  તેવી ધમકી આપી હતી. તેમની સાથે આવેલા બીજા માણસોના ટોળાએ એ બંનેને માથાકૂટ નહી કરવા અને રોકવાનો પ્રયત્ન કર્યો હતો પરંતુ આ બંને શખ્શો કોઇની વાત સાંભળવા તૈયાર ન હતા.
એપ્રેન્ટસ શૈલેષભાઇ કાણેતે ફરીયાદી રવિ મોકરીયાને જણાવ્યુ હતુ કે વાછોડા એ.જી. ફીડર છેલ્લા એક દિવસથી બંધ છે. એટલે ફીડર ચાલુ કરવાની રજૂઆત કરવા આવેલા આ શખ્શો ઉપરાંત અન્ય લોકો એ ફીડર શ‚ કરવાની માંગ કરી હતી અને અરસી હરદાસે શૈલેષને થપ્પડ મારીને માથાકૂટ કરી હતી અને હેલ્મેટના પણ છુટા ઘા કર્યા હતા. આથી ફરીયાદી રવિ મોકરીયાએ ઉપરી અધિકારી વિસાણાને બનાવની જાણ કરી હતી અને તેઓ ‚બ‚ ત્યાં આવ્યા બાદ પોલીસ ફરિયાદ કરવાનુ નકકી થતા ખીસ્ત્રી ગામના ભરત ભીમા ખીસ્તરીયા અને અરસી હરદાસ સામે ગુન્હો દાખલ થયો છે.