જામનગર ના એક આસામી સામે રૂ.૧ લાખ ૪૦ હજારના ચેક પરત ફરવા અંગે ની અદાલત માં ફરિયાદ કરાઈ હતી. તે કેસ ચાલી જતાં અદાલતે આરોપી ને છ માસ ની કેદ ની સજા નો આદેશ કર્યો છે.

જામનગર માં શિવ એન્ટરપ્રાઈઝ નામથી પેઢી ચલાવતા નરેન્દ્ર નાથાભાઈ ગંઢા પાસે થી ભાવેશ વિષ્નુભાઈ કારીયા એ સંબંધદાવે હાથ ઉછીના રૂ.૧ લાખ ૪૦ હજાર મેળવ્યા હતા. તેની પરત ચૂકવણી માટે ભાવેશ કારીયાએ ચેક આપ્યો હતો.

તે ચેક બેંકમાંથી પરત ફર્યાે હતો. તેથી  નરેન્દ્રભાઈ એ અદાલત માં ફરિયાદ નોંધાવી હતી. તે કેસ ચાલી જતાં અદાલતે બંને પક્ષની દલીલો સાંભળ્યા પછી આરોપી ભાવેશ વિષ્નુભાઈ કારીયા ને તક્સીરવાન ઠરાવી છ માસ  ની કેદની સજા અને રૂ.૧ લાખ ૪૦ હજાર નો દંડ ફટકાર્યાે છે. દંડની રકમ ફરિયાદીને વળતર પેટે ચૂકવી આપવા અને . દંડ ભરવામાં ન આવે તો વધુ એક મહિનાની કેદની સજા ફટકારાઈ છે. હુકમ સમયે આરોપી હાજર ન હોવાથી તેની સામે વોરંટ કાઢવામાં આવ્યું છે.