​​​​​​​અરુણાચલ પ્રદેશના મુખ્યમંત્રી પેમા ખાંડુએ પૂર્વ અગ્નિવીર સૈનિકો માટે મોટી જાહેરાત કરી છે. મુખ્યમંત્રીએ જાહેરાતમાં કહ્યું છે કે સરકાર અગ્નિપથ યોજના હેઠળ ભરતી માટે સ્થાનિક યુવાનોને તાલીમ આપશે. તે જ સમયે, અરુણાચલ પ્રદેશ પોલીસ, ઇમરજન્સી અને ફાયર સર્વિસમાં ભરતી દરમિયાન નિવૃત્ત અગ્નિવીરોને પ્રાધાન્ય આપવામાં આવશે.

સીએમ ખાંડુએ કહ્યું કે આ પહેલ અરુણાચલ પ્રદેશના યુવાનોને દેશની સેવા કરવા સક્ષમ બનાવશે. "અરુણાચલ પ્રદેશ સરકાર સ્થાનિક યુવાનોને અગ્નિપથ યોજના હેઠળ અગ્નિવીર તરીકે ભરતી માટે તૈયાર કરવા માટે તાલીમ સુવિધાઓ પ્રદાન કરશે," મુખ્યમંત્રીએ ટ્વિટર પર એક પોસ્ટમાં જણાવ્યું હતું.

ફાયર સર્વિસ માટે ભરતીમાં પ્રાધાન્ય આપવામાં આવશે

"આ ઉપરાંત, અરુણાચલ પ્રદેશના નિવૃત્ત અગ્નિવીરોને અરુણાચલ પ્રદેશ પોલીસ, અરુણાચલ પ્રદેશ બટાલિયન, કટોકટી અને ફાયર સેવાઓ માટે ભરતીમાં પ્રાધાન્ય આપવામાં આવશે," તેમણે કહ્યું.

 સરકાર અરુણાચલ પ્રદેશ સ્થાનિક યુવાનોને અગ્નિપથ યોજના હેઠળ અગ્નિવીર તરીકે ભરતી માટે તૈયાર કરવા માટે તાલીમની સુવિધા આપશે.

દરેક બેચમાંથી 25 ટકા ભરતીઓને નિયમિત આર્મી સેવા ઓફર કરવામાં આવે છે

2022માં કેન્દ્ર સરકારે આર્મી, નેવી અને એરફોર્સમાં 17 થી 21 વર્ષની વયજૂથના યુવાનોની ભરતી માટે મહત્વકાંક્ષી અગ્નિપથ યોજના શરૂ કરી હતી. આ સર્વિસમાં ચાર વર્ષ સુધી સેનામાં સેવા કરવાનો મોકો મળશે. આ યોજના હેઠળ ભરતી કરાયેલા યુવાનોને અગ્નિવીર તરીકે ઓળખવામાં આવશે. ચાર વર્ષનો કાર્યકાળ પૂર્ણ કર્યા પછી, દરેક બેચમાંથી 25 ટકા ભરતીઓને નિયમિત સૈન્ય સેવા ઓફર કરવામાં આવશે.

ઉત્તર પ્રદેશ સહિત પાંચ રાજ્યોએ પણ આપ્યા અગ્નિવીરને સારા સમાચાર

આ સાથે જ વિપક્ષી પાર્ટીઓ પણ અગ્નિવીર યોજનાને લઈને સવાલો ઉઠાવી રહી છે અને સત્તામાં આવશે તો તેને નાબૂદ કરવાની વાત કરી રહી છે. આ દરમિયાન મધ્યપ્રદેશ અને ઉત્તર પ્રદેશ સહિત સાત રાજ્યોએ પણ અગ્નિવીરને સારા સમાચાર આપ્યા છે. સાત રાજ્યોએ અગ્નિવીર માટે અનામતની જાહેરાત કરી છે.

આ સાત રાજ્યો આપી રહ્યા છે અગ્નિવીરને અનામત

• ઉત્તર પ્રદેશ
• મધ્યપ્રદેશ
• છત્તીસગઢ
• ઓડિશા
• ગુજરાત
• ઉત્તરાખંડ
• રાજસ્થાન

પોલીસ ભરતીમાં અગ્નિવીરોને આપવામાં આવશે અનામત

આ માહિતી આપતાં સાતેય રાજ્યોના મુખ્યમંત્રીઓએ કહ્યું કે જે યુવાનોએ અગ્નિવીર તરીકે કામ કર્યું છે તેમને રાજ્યની પોલીસ ભરતીમાં અનામત આપવામાં આવશે. આ યોજના અંગે ઉત્તર પ્રદેશના સીએમ યોગી આદિત્યનાથે કહ્યું કે કોઈપણ દેશ અને સમાજને આગળ વધવા માટે સમયાંતરે સુધારા કરવા જરૂરી છે.