અર્જુન કપૂર અને મલાઈકા અરોરા તેમના સંબંધોને લઈને ચર્ચામાં છે. બંને લાંબા સમયથી સાથે જોવા મળ્યા નથી. જો અહેવાલો પર વિશ્વાસ કરવામાં આવે તો કપલ વચ્ચે બ્રેકઅપ થઇ ગયું છે. બંનેમાંથી કોઈએ એકબીજા માટે જન્મદિવસની પોસ્ટ શેર કરી નથી. મલાઈકા અરોરાએ તાજેતરમાં જ તેનો 51મો જન્મદિવસ ઉજવ્યો હતો. મલાઈકાના જન્મદિવસ પર અર્જુને એક રહસ્યમય પોસ્ટ શેર કરી છે જે વાયરલ થઈ રહી છે.

અર્જુન દર વર્ષે મલાઈકાના જન્મદિવસ પર એક ખાસ પોસ્ટ શેર કરતો હતો પરંતુ આ વખતે એવું થયું નથી. તેણે તેની ઈન્સ્ટાગ્રામ સ્ટોરી પર એક પોસ્ટ શેર કરી છે જે વાયરલ થઈ રહી છે.

અર્જુને કરી ક્રિપ્ટિક પોસ્ટ શેર

​​​​​​​

અર્જુને તેની ઈન્સ્ટાગ્રામ સ્ટોરી પર એક ક્વોટ શેર કર્યો છે. જેમાં લખ્યું છે - તમે કોણ છો તે ક્યારેય ભૂલશો નહીં - ધ લાયન કિંગ. આ લાઈન ધ લાયન કિંગ ફિલ્મની છે. જેમાં મુસાફા સિમ્બાને આ પંક્તિઓ કહે છે.

તાજેતરમાં અર્જુન અને મલાઈકા વચ્ચેના બ્રેકઅપની અફવાઓ સોશિયલ મીડિયા પર ખૂબ ચર્ચામાં હતી. છ વર્ષથી વધુ સમય સુધી ડેટિંગ કર્યા પછી એવું લાગતું હતું કે આ કપલનો અંત આવી ગયો છે. ચાહકો આ પોસ્ટ જોઈને આશ્ચર્યચકિત થઈ ગયા અને વિચારવા લાગ્યા કે શું આ તેની ઈમોશનલ સ્થિતિની નિશાની છે.

અર્જુન અને મલાઈકાના રિલેશનશિપના સમાચારો ત્યારથી આવવા લાગ્યા જ્યારે તેઓ સાથે જોવા મળ્યા હતા. ઉંમરના તફાવતને કારણે કેટલાક લોકોએ તેમને ટ્રોલ કર્યા તો કેટલાકે તેમને સપોર્ટ કર્યો. તેઓએ સોશિયલ મીડિયા પર એક પોસ્ટ શેર કરીને તેમના સંબંધોની પુષ્ટિ કરી હતી. તે પછી બંને હંમેશા પાર્ટી અને ડિનરમાં સાથે જોવા મળતા હતા. હવે બંને અલગ થઈ ગયા છે પરંતુ મલાઈકાના પિતાના મૃત્યુ સમયે અર્જુન મલાઈકા સાથે ઉભો હતો અને મુશ્કેલ સમયમાં તેને સાથ આપ્યો હતો.