જગતગુરુ શ્રી વલ્લભાચાર્યજીના દ્વિતીય કુમાર શ્રી વિઠ્ઠલનાથજીના 510 માં પ્રાગટ્ય ઉત્સવ નિમિત્તે ખંભાળિયામાં વૈષ્ણવો દ્વારા આગામી મંગળવાર તારીખ 24 ડિસેમ્બરના રોજ વિવિધ કાર્યક્રમોનું આયોજન કરવામાં આવ્યું છે.

આ પ્રસંગે મંગળવારે અત્રે બરછા સ્ટ્રીટ ખાતે આવેલી સેવાકુંજ હવેલીમાં જુદા જુદા કાર્યક્રમો યોજવામાં આવ્યા છે. શ્રી ગુસાઈજીના પ્રાગટ્ય ઉત્સવ (જલેબી ઉત્સવ) નિમિત્તે સર્વ કાર્યક્રમોનું આયોજન પણ થયું છે. જેમાં આવેલી સેવાકુંજ હવેલી સંચાલિત સેવાનિધિ પાઠશાળાના બાળકો તેમજ સત્સંગ મંડળ દ્વારા સુંદર કાર્યક્રમ યોજવામાં આવ્યા છે. બાળકો દ્વારા શ્રી ગુસાઈજીની વાર્તા, નાટિકા નૃત્ય, વધાઈ કીર્તન તેમજ બહેનો દ્વારા રાસ થશે. સાંજે 6:30 થી 8:30 વાગ્યા સુધી રહેશે. આ વરણાંગીના મનોરથી તરીકે વિનુભાઈ બરછા (ઘી વાળા) રહેશે.

આ સાથે અમાસ સુધી દરરોજ સાંજે 4 થી 6 દરમિયાન શ્રી ગુસાઈજીના પાઠ તેમજ તારીખ 25 ના રોજ શ્રી યમુનાષ્ટકના 108 પાદ અને 108 પદ થશે. આ ધાર્મિક કાર્યક્રમમાં જોડાવા માટે વૈષ્ણવ ભાઈઓ બહેનોને હવેલીના પૂજ્ય માધવી વહુજી તેમજ વિનુભાઈ બરછા દ્વારા અપીલ કરવામાં આવી છે.