જામનગરના લાલપુર બાયપાસ નજીક મોરકંડા ગામના પાટીયા પાસે કોઈ અજાણ્યા વાહનના ચાલકે એક રાહદારી યુવાનને ઠોકરે ચડાવતાં ગંભીર ઇજા થવાથી કરુણ મૃત્યુ નીપજયું છે. જે મામલે પોલીસ વધુ તપાસ ચલાવે છે.
લાલપુર બાયપાસથી કાલાવડ રોડ તરફ જતા માર્ગ પર મારકંડા ગામના પાટિયા પાસે રવિવારે બપોરના અરસામાં કોઈ અજ્ઞાત વાહનના ચાલકે પુરપાટ ઝડપે આવીને અંદાજે ૪૫ વર્ષની વયના રાહદારી યુવાનને ઠોકરે ચડાવ્યા હતા, અને ગંભીર ઇજા થવાથી તેનું ઘટના સ્થળેથી કમકમાટીભર્યું મૃત્યુ નીપજ્યું હતું.
આ બનાવની જાણ થતાં પંચકોશી-બી ડિવિઝનનો પોલીસ કાફ્લો ઘટના સ્થળે દોડી ગયો હતો, અને મૃતદેહનો કબજો સંભાળી પોસ્ટ મોર્ટમ સહિતની કાર્યવાહી હાથ ધરી છે. જ્યારે મૃતક અજ્ઞાત યુવાનની ઓળખ કરવા માટે તજવીજ શરૂ કરી છે. મૃતકને ઠોકરે ચડાવનાર વાહનચાલકની પણ શોધખોળ આરંભી છે.