શહેરના મોરબી રોડ પર જય જવાન જય કિશાન સોસાયટીમાં રહેતો અને પોકસોના ગુનામાં વચગાળાના જામીન પર જેલમુકત થયા બાદ ફરાર થઇ ગયેલા કેદીને બી ડિવિઝન પોલીસે મોરબી રોડ સેટેલાઇટ ચોક પાસેથી ઝડપી લીધો હતો.

જાણવા મળતી વિગતો મુજબ,બી ડિવિઝન પોલીસ મથકના પીઆઇ આર.જી.બારોટની રાહબરી હેઠળ પીએસઆઇ કે.ડી.મા તથા તેમની ટીમ તપાસમાં હતી દરમિયાન કોન્સ. ભાનુશંકર ધાંધલા,રાજદિપભાઇ પટગીરને મળેલી બાતમીના આધારે પોકસોના ગુનામાં ફરાર કાચા કામના કેદી હિતેશ ઉર્ફે બાડો ચમનભાઇ કારેણા(ઉ.વ ૩૨ રહે.મોરબી રોડ જકાતનાકા પાસે જય જવાન જય કિશાન સોસાયટી શેરી નં.૩ રાજકોટ) ને મોરબી રોડ પરથી ઝડપી લઇ જેલ હવાલે કર્યેા હતો.

પોલીસે જણાવ્યું હતું કે, આરોપી હિતેશ ઉર્ફે બાડો પોકસોના ગુનામાં જેલહવાલે હોય દરમિયાન તે વચગાળાના જામીન પર જેલમુકત થતા ફરાર થઇ ગયો હતો.જેને પોલીસે ઝડપી લીધો છે.આરોપી સામે બી ડિવિઝન પોલીસ મથકમાં ચોરીના ૧૧ ગુના નોંધાઇ ચૂકયા છે.તેમજ વર્ષ ૨૦૨૧ માં તે પાસા હેઠળ જેલયાત્રા પણ કરી ચૂકયો હોવાનું માલુમ પડયું છે.

એક વર્ષથી ફરાર સજાના વોરંટનો આરોપી પકડયોે
ભકિતનગર પોલીસ મથકના પીઆઇ એમ.એમ.સરવૈયાની રાહબરી હેઠળ પીએસઆઇ આર.કે.સામૂદ્રે તથા ટીમ તપાસમાં હતી દરમિયાન હેડ કોન્સ. ભગીરથસિંહ ચુડાસમા અને કોન્સ. ક્રિપાલસિંહ જાડેજાને મળેલી બાતમીના આધારે સુરત કોર્ટમાં ચેક રિર્ટન કેસમાં સજા પડયા બાદ સજાના વોરંટમાં એક વર્ષથી નાસતા ફરતા આરોપી ચંદુ ભીખાભાઇ અમીપરા(ઉ.વ ૫૨ રહે. સુભાષનગર શેરી નં.૧ નંદા હોલ પાસે) ને તેના ઘર પાસેથી ઝડપી લઇ વોરંટની બજવણી કરી કાયદેસરની કાર્યવાહી કરી હતી.