વડાપ્રધાન મોદીને હરાવવા માટે જે તે સમયે અમેરિકાએ ષડ્યંત્ર રચ્યું હોવાનો સનસનીખેજ દાવો યુએસ સ્ટેટ ડિપાર્ટમેન્ટના ભૂતપૂર્વ અધિકારીએ કર્યો છે. માઈક બેન્ઝે એવો આરોપ લગાવ્યો છે કે અમેરિકાએ વિવિધ દેશોના રાજકારણમાં દખલ કરવા માટે ઘણી વ્યૂહરચનાઓનો ઉપયોગ કર્યો છે. એક અહેવાલ મુજબ,અમેરિકાએ મીડિયા પ્રભાવ, સોશિયલ મીડિયા સેન્સરશીપ અને વિપક્ષી ચળવળોને ભંડોળ આપીને ભારત, બાંગ્લાદેશ અને અન્ય દેશોના રાજકારણને પ્રભાવિત કરવાનો પ્રયાસ કર્યો. તેમના મતે, અમેરિકન સમર્થિત એજન્સીઓએ ચૂંટણીઓને પ્રભાવિત કરવાનો અને સરકારોને અસ્થિર કરવાનો પ્રયાસ કર્યો.
માઈક બેન્ઝે દાવો કર્યો હતો કે યુએસ સરકાર સાથે જોડાયેલી સંસ્થાઓ ભારત અને બાંગ્લાદેશ સહિત ઘણા દેશોની આંતરિક રાજનીતિમાં દખલ કરે છે. તેમનું કહેવું છે કે આ દેશોમાં ચૂંટણીઓ મીડિયા પ્રભાવ, સોશિયલ મીડિયા સેન્સરશીપ અને વિપક્ષી ચળવળોને ભંડોળ દ્વારા પ્રભાવિત થઈ હતી. બેન્ઝના મતે, 2019 ની ભારતીય સામાન્ય ચૂંટણીઓમાં પણ દખલ કરવાનો પ્રયાસ કરવામાં આવ્યો હતો.
બેન્ઝે આરોપ લગાવ્યો હતો કે ફેસબુક, વોટ્સએપ, યુટ્યુબ અને ટ્વિટર જેવી ટેક કંપ્નીઓ પર યુએસ સ્ટેટ ડિપાર્ટમેન્ટ દ્વારા મોદી તરફી સામગ્રીને બ્લોક કરવા માટે દબાણ કરવામાં આવ્યું હતું. જાન્યુઆરી 2019 માં વોટ્સએપ્ની મેસેજ ફોરવર્ડિંગ મયર્દિા ઘટાડવાનું પણ આ વ્યૂહરચનાનો એક ભાગ હોવાનું કહેવાય છે.

ભાજપના સાંસદ નિશિકાંત દુબેનું નિવેદન
સંસદમાં ભાજપ્ના સાંસદ નિશિકાંત દુબે દ્વારા ઉઠાવવામાં આવેલા આરોપોને યુએસ સ્ટેટ ડિપાર્ટમેન્ટના ભૂતપૂર્વ અધિકારી માઇક બેન્ઝના ખુલાસાઓથી નવી તાકાત મળી છે. દુબેએ આરોપ લગાવ્યો હતો કે અમેરિકન સંસ્થા યુએસએઆઈડી એ ભારતના વિભાજન માટે અનેક સંસ્થાઓને ભંડોળ પૂરું પાડ્યું હતું.

બાંગ્લાદેશમાં યુએસ હસ્તક્ષેપ
બેન્ઝના મતે, અમેરિકાએ બાંગ્લાદેશના રાજકારણમાં પણ દખલગીરી કરી, ખાસ કરીને વડા પ્રધાન શેખ હસીનાની સરકારને નબળી પાડવા માટે તેમને દાવ રમ્યા હતા. તેમનો દાવો છે કે સાંસ્કૃતિક તણાવનો ઉપયોગ વિભાજન માટે કરવામાં આવ્યો હતો અને રેપ સંગીત દ્વારા સરકાર વિરોધી ભાવના ઉશ્કેરવામાં આવી હતી.

યુએસએઆઈડી વિવાદાસ્પદ એજન્સી
યુએસએઆઈડી એ યુએસ સરકારની એક સ્વતંત્ર એજન્સી છે જે વિકાસશીલ દેશોને આર્થિક અને માનવતાવાદી સહાય પૂરી પાડે છે. જોકે, તેના પર રાજકીય હસ્તક્ષેપ અને અમેરિકન વિદેશ નીતિ લાગુ કરવાનો પણ આરોપ મૂકવામાં આવ્યો છે.