રાજસ્થાનના સિરોહી જિલ્લામાં એક જીપ અને ટ્રક સામસામે અથડાતાં જીપમાં મુસાફરી કરી રહેલા ૯ લોકોના મોત થયા છે, યારે ૧૫ લોકો ઘાયલ થયા હોવાનું જણાવાય છે. ઘાયલોને તાત્કાલિક હોસ્પિટલમાં મોકલવામાં આવ્યા છે, યાં તેમની સારવાર ચાલી રહી છે. ગંભીર રીતે ઘવાયેલા બે લોકોને ઉદયપુરની હોસ્પિટલમાં રિફર કરવામાં આવ્યા છે. જણાવવામાં આવી રહ્યું છે કે મજૂરોને લઈ જઈ રહેલી જીપ રોંગ સાઈડથી ગઈ હતી અને સામેથી આવતી ટ્રકને ટક્કર મારી હતી. આ તમામ લોકો પાલી જિલ્લામાં મજૂર તરીકે કામ કરવા જઈ રહ્યા હતા. તે દરમિયાન આ અકસ્માત થયો હતો.
વાસ્તવમાં, સમગ્ર ઘટના પિંપવાડા પોલીસ સ્ટેશન વિસ્તારના કંટાલ પાસે બની હતી. અહીં એક ટ્રક અને જીપ વચ્ચે જોરદાર ટક્કર થઈ હતી.
આ અકસ્માતમાં અત્યાર સુધીમાં ૯ લોકોના મોત થયા છે, યારે ૧૫ લોકો ઘાયલ હોવાનું કહેવાય છે. ઘાયલ લોકોમાંથી બેની હાલત ગંભીર હોવાથી તેમને ઉદયપુરની હોસ્પિટલમાં રીફર કરવામાં આવ્યા છે. અન્ય ઘાયલોની સારવાર સિરોહી હોસ્પિટલમાં જ ચાલી રહી છે.