એઆઈ ઝડપથી આપણા જીવનનો એક ભાગ બની રહ્યું છે. કંઇક લખવું હોય, ફોટા એડિટ  કરવા હોય કે વિડિયો એડિટ કરવા હોય, તે બધું હવે AI વડે કરી શકાય છે. આટલું જ નહીં, કંપનીઓ તેમના મોડલ અને પ્લેટફોર્મને એડવાન્સ બનાવવા માટે સતત પ્રયાસ કરી રહી છે. આવી સ્થિતિમાં, એક નવો ખતરો પણ ઉભો થઈ રહ્યો છે, જ્યાં નિર્દોષ યુઝરનો ફોટો એડિટ કરી શકાય છે, તેની સાથે છેતરપીંડી કરી શકાય છે અથવા તેના વિરુદ્ધ ખોટી માહિતી ફેલાવવામાં આવી શકે છે.

હવે સામાન્ય લોકો અને સેલિબ્રિટી વગેરેને આવી છેતરપિંડીથી બચાવવા માટે એક નવું સાધન તૈયાર કરવામાં આવ્યું છે. એન્ગેજેટના રિપોર્ટ અનુસાર, MITની કોમ્પ્યુટર સાયન્સ અને AI લેબએ PhotoGuard નામની ટેક્નોલોજી વિકસાવી છે. આ છબી માટે સલામત રક્ષક તરીકે કાર્ય કરશે. આ ટૂલ એઆઈને ઈમેજના અમુક પસંદ કરેલા પિક્સેલ્સને બદલીને ફોટો એડિટ કરવાથી રોકી શકે છે.

રિસર્ચ ટીમે જણાવ્યું કે પિક્સેલ ચેન્જમાં ડિસ્ટર્બન્સ થાય છે, જેને માનવ આંખ જોઈ શકતી નથી. ફક્ત મશીન જ તેને વાંચી શકે છે. સંશોધન ટીમના જણાવ્યા અનુસાર, 'એન્કોડર' પદ્ધતિ પિક્સેલની સ્થિતિ અને રંગ બદલી શકે છે, જ્યારે MITનું સાધન AIને તે કેવી રીતે બદલી શકાય છે તે સમજવામાં રોકે છે.

એડવાન્સ એન્ડ ઇન્ટેન્સીવ મેથડ વડે ઇમેજની નકલ કરવાનો પ્રયાસ કરવામાં આવશે, તો આ ટૂલ મૂળ ઇમેજને બદલે AIને બીજી ઇમેજ બતાવવાનું શરૂ કરશે. આવી સ્થિતિમાં, તે ફોટો થોડો વિચિત્ર લાગશે, જેને કોઈપણ ઓળખી શકશે. જોકે સામાન્ય લોકો વચ્ચે આ ફીચર કેટલા સમય પછી આવશે તેની કોઈ માહિતી નથી.

ગયા મહિને આનંદ મહિન્દ્રાનો AI જનરેટેડ ફોટો વાયરલ થયો હતો, જેમાં તે હોળી રમતા જોવા મળ્યો હતો. આનંદ મહિન્દ્રાએ તે ફોટો ટ્વીટ કર્યો અને એક કેપ્શન લખ્યું, જેમાં તેણે ભવિષ્યને ખૌફનાક ગણાવ્યું. તેણે ધ્યાન દોર્યું કે AI કેવી રીતે નકલી ફોટા બનાવી શકે છે.