એસીબી સૂત્રોમાંથી મળતી વિગતો મુજબ ધ્રાંગધ્રા પંથકના એક આરોપી સામે દુષ્કર્મ અને પોક્સો નો ગુનો ધ્રાંગધ્રા સીટી પોલીસ મથકમાં નોંધાયો હતો આ ગુનામાં આરોપીને કેસ ચાલે ત્યાં સુધી મદદ કરવાની લાલચ આપી ધ્રાંગધ્રા સીટી પોલીસ મથકમાં ફરજ બજાવતા માંગીલાલ કાળુભાઇ પઢીયાર, પોલીસ કોન્સ્ટેબલ, વર્ગ-૩, ધ્રાંગંધ્રા વાળાએ રૂપિયા 30,000 ની લાંચની માંગ કરી હતી. જે અંગે આરોપીના પિતાએ એસીબીમાં ફરિયાદ કરતા રાજકોટ એસીબી મદદનીશ નિયામક ડીવાયએસપી કે એચ ગોહિલની સૂચનાથી સુરેન્દ્રનગર એસીબી પીઆઇ એમ એમ લાલીવાલા સહિતે પીજીવીસીએલ કચેરીના ગેટ પાસે,આબેડકર સર્કલ, ધ્રાંગંધ્રા ખાતે છટકું ગોઠવી 30000ની લાંચ લેતા કોન્સ્ટેબલને રંગેહાથ ઝડપી જરૂરી કાર્યવાહી હાથધરી હતી.