ગુજરાત સરકાર દ્વારા તાજેતરમાં મગફળીની ટેકાના ભાવે ખરીદી કરવાની શરૂઆત કરવામાં આવી છે. પરંતુ આ ખરીદી માત્ર કાગળ પર જ થતી હોવા સાથે મિલીભગત અને તંત્રની બેદરકારીના  આક્ષેપો આમ આદમી પાર્ટી દ્વારા કરી, દેવભૂમિ દ્વારકા જિલ્લાના મુખ્ય મથક ખંભાળિયામાં ટેકાના ભાવે મગફળીની ખરીદી હજુ સુધી શરૂ કરવામાં આવી ન હોવાનો આક્ષેપ કરવામાં આવ્યો છે.

ગુજરાતમાં છેલા એકાદ સપ્તાહથી ટેકાના ભાવે મગફળીની ખરીદી શરૂ થઈ ગઈ છે. ત્યારે ખેડૂતોની રજૂઆત મળતા ખંભાળિયામાં આમ આદમી પાર્ટીના હોદેદારો દ્વારા માર્કેટિંગ યાર્ડમાં ખેડૂતોની મુલાકાત લઈને તેમની વ્યથા જાણી હતી. અને જો વહેલાસર ટેકાના ભાવે મગફળીની ખરીદી શરૂ નહિ કરવામાં આવે તો આમ આદમી પાર્ટી ઉગ્ર આંદોલન કરવામાં આવશે તેવી ચીમકી ઉચ્ચારવામાં આવી છે.