પોરબંદરના સીતારામ વિસ્તારમાં રાણાવાવના ઇસમે ભાડાના મકાનમાં ગાંજાનો ધંધો શ‚ કર્યો હતો. પોલીસે બાતમીના આધારે દરોડો પાડી તેને ૧ કિલો ૯૦ ગ્રામ ગાંજા સાથે પકડી લીધો હતો અને પૂછપરછમાં માલ આપનાર જૂનાગઢના શખ્શનું નામ ખૂલતા તેની સામે પણ એફ.આઇ.આર. થઇ છે.
મૂળ રાણાવાવના મફતીયાપરા અને હાલ પોરબંદરના સીતારામનગરમાં નાથાલાલ  દેવજી મોદીના મકાનમાં ભાડે રહેતા અલ્તાફ હુસેન ઉર્ફે ટકો અકબરમીયા કાદરી તેના મકાનમાં નશીલા પદાર્થનો ધંધો કરતો હોવાની બાતમીના આધારે પોલીસે દરોડો પાડયો હતો અને તપાસ કરતા અલ્તાફ હુસેનના કબ્જામાંથી ૧ કિલો ૯૦ ગ્રામ ગાંજો (કિં. ‚ા. ૧૦,૯૦૦) અને ૩૦૦૦ ‚ા.નો એક મોબાઇલ તથા ૫૦૦ ‚ા.નો વજનકાંટો સહિત ૧૪,૪૦૦નો મુદામાલ કબ્જે કરવામાં આવ્યો હતો અને તેની પૂછપરછ કરતા આ ગાંજો તેણે જૂનાગઢના રાજુ નામના ઇસમ પાસેથી લીધો હોવાની કબુલાત કરતા પોલીસે રાજુ સામે પણ ગુન્હો નોંધીને શોધખોળ હાથ ધરી છે.