ઉત્તર પ્રદેશના બહરાઈચમાં વરુના હુમલામાં અત્યાર સુધીમાં 10 લોકોના મોત થયા છે અને ૫૦ થી વધુ લોકો ઘાયલ થયા છે. આ દરમિયાન બારાબંકીમાં પણ વરુના હુમલાના સમાચાર આવી રહ્યા છે. અહીં બકરા ચરાવતી એક બાળકી વરુના હુમલામાં ઘાયલ થઈ છે.

મામલો બારાબંકીના ગૌચૌરા ગામનો છે. છોકરી સવારે બકરા ચરાવી રહી હતી. ત્યારે એક વરુએ બકરીઓ પર હુમલો કર્યો હતો. જ્યારે છોકરીએ બકરાઓને બચાવવાનો પ્રયાસ કર્યો ત્યારે વરુએ બાળકી પર પણ હુમલો કર્યો હતો. વરુના હુમલામાં બાળકી ખરાબ રીતે ઘાયલ થઈ હતી.

બાળકી હોસ્પિટલમાં દાખલ 

ઘાયલ યુવતીને જિલ્લા હોસ્પિટલમાં દાખલ કરવામાં આવી છે, જ્યાં તેની સારવાર ચાલી રહી છે. માહિતી મળતાની સાથે જ વન વિભાગની ટીમ ઘટનાસ્થળે પહોંચી છે. પરંતુ વન વિભાગના અધિકારીઓનું કહેવું છે કે આ પ્રાણી વરુ છે કે અન્ય કોઈ છે તે કહેવું મુશ્કેલ છે. વન વિભાગની ટીમે ગ્રામજનોને સતર્ક રહેવાની સલાહ આપી છે.

પરિવારજનોએ જણાવ્યું કે દરરોજની જેમ તેમની પુત્રી સવારે બકરીઓ સાથે કેનાલના કિનારે ચરાવવા ગઈ હતી. પછી વરુ બકરીઓને પોતાનો શિકાર બનાવવા માંગતો હતો. જ્યારે છોકરીએ બકરાઓને બચાવવાનો પ્રયાસ કર્યો ત્યારે વરુએ તેના પર હુમલો કર્યો હતો. બાળકીની આંગળી અને અન્ય જગ્યાએ ઈજાઓ પોહચી છે.