બ્લેક ફિલ્મ લગાવનાર પર તવાઇ: ૧૩૫૪ વાહનચાલકો સામે કાર્યવાહી

  • April 02, 2025 03:11 PM 
Aajkaal Daily (Desh Pardesh Ni Aajkaal)
રાજકોટ ટ્રાફિક શાખા દ્વારા વાહનોમાં બ્લેક ફિલ્મ લગાવનાર વાહન ચાલકો વિરુદ્ધ આક્રમક કાર્યવાહી કરવામાં આવી છે. ટ્રાફિક શાખા દ્વારા યોજવામાં આવેલી અઠવાડિયાની ડ્રાઇવ દરમિયાન બ્લેક ફિલ્મ લગાવનાર 1354 વાહન ચાલકો વિરુદ્ધ કાયદેસરની કાર્યવાહી કરી દંડની વસૂલાત કરવા તજવીજ હાથ ધરવામાં આવી છે.


શહેરમાં અકસ્માતોની સંખ્યા ઘટાડવા તેમને ટ્રાફિક નિયમોનું યોગ્ય રીતે પાલન થાય તે માટે પોલીસ કમિશનર બ્રજેશકુમાર ઝા, અધિક પોલીસ કમિશનર મહેન્દ્ર બગડીયાના માર્ગદર્શન હેઠળ ટ્રાફિક ડીસીપી પૂજા યાદવની રાહબરીમાં ટ્રાફિક ઇન્ચાર્જ એસીપી વી.જી.પટેલની સૂચના હેઠળ રાજકોટ શહેર ટ્રાફિક શાખા દ્વારા તારીખ 25-3 - 2025 થી તારીખ 1-4-2025 દરમિયાન બ્લેક ફિલ્મવાળા વાહનચાલકો વિરુદ્ધ વિશેષ ડ્રાઇવનું આયોજન કરવામાં આવ્યું હતું.


ટ્રાફિક શાખા દ્વારા અઠવાડિયા દરમિયાન ચાલેલી આ ડ્રાઈવ દરમિયાન શહેરના અલગ અલગ વિસ્તારમાં ટ્રાફિક પોઇન્ટ પર ટ્રાફિક શાખાની ટીમ દ્વારા વાહનમાં બ્લેક ફિલ્મ લગાવનાર કુલ 1354 વાહન ચાલકો વિરુદ્ધ કાયદેસરની કાર્યવાહી કરી તેમની પાસેથી દંડની વસૂલાત કરવા અંગે તજવીજ હાથ ધરી છે.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application