રિઘ્ધી સિઘ્ધી સોસાયટીનો બનાવ : પરિવારમાં શોકનું મોજુ

જામનગરના રણજીતસાગર રોડ પર આવેલ રિઘ્ધી સિઘ્ધી સોસાયટીમાં રહેતી એક પરણીતાને પોતાના ઘરે કોઇ કારણસર ઇલેકટ્રીક શોક લાગતા તેણીનું મૃત્યુ નિપજતા પરિવારમાં શોકની લાગણી ફેલાઇ ગઇ હતી.

જામનગરના સાધના કોલોની પાછળ રિઘ્ધી સિઘ્ધી સોસાયટીમાં રહેતા બીબીબેન મોહસીનભાઇ દરજાદા (ઉ.વ.33) નામની પરણીતા ગઇકાલે પોતાના ઘરે હતા ત્યારે અચાનક ઇલેકટ્રીક શોક લાગવાથી તેણીનું મૃત્યુ નિપજયુ હતું.

આ અંગે મોહસીનભાઇ દરજાદા દ્વારા સીટી-એ ડીવીઝનમાં જાણ કરવામાં આવતા પોલીસ ટુકડી દ્વારા વિગતો જાણીને તપાસની કાર્યવાહી આગળ ધપાવી હતી. મૃત્યુના બનાવથી પરિવારજનોમાં શોકની લાગણી ફેલાઇ ગઇ હતી.