આગામી શનિવારે એક વિશાળ ઉલ્કાપિંડ પૃથ્વીની નજીકથી પસાર થવાનું છે. યુરોપિયન સ્પેસ એજન્સીએ તેની આ જાહેરાત કરી જેમાં કહેવામાં આવ્યું છે કે આ ઉલ્કાપિંડ પૃથ્વી માટે કોઈ ખતરો નથી. તેમ છતાં, ભારતની ઈસરો, ચીનની સીએનએસએ, અમેરિકાની નાસા અને અન્ય દેશોની અવકાશ એજન્સીઓ આ ઉલ્કાપિંડ પર નજર રાખી રહી છે. મહત્વની વાત એ છે કે જો હવામાન સ્વચ્છ રહેશે, તો અવકાશ વિજ્ઞાનમાં રસ ધરાવતા લોકો નાના ટેલિસ્કોપ અથવા મોટા દૂરબીનથી આ લઘુગ્રહને સરળતાથી જોઈ શકશે.

(152637) 1997 એનસી 1ની વિશેષતાઓ

૧. યુરોપિયન સ્પેસ એજન્સી અનુસાર, આ લઘુગ્રહનું નામ (152637) 1997 એનસી1 રાખવામાં આવ્યું છે. આ લઘુગ્રહ શનિવારે 11:14 જીએમટી (4:44 પીએમ આઈએસટી) પર પૃથ્વીની નજીક આવશે. (152637) 1997 એનસી 1 અને પૃથ્વી વચ્ચેનું અંતર આશરે 2,560,000 કિલોમીટર હશે. આ પૃથ્વી અને ચંદ્ર વચ્ચેના અંતર કરતાં છ ગણા વધારે છે.

2. પૃથ્વીની નજીકથી પસાર થવા દરમિયાન, (152637) 1997 એનસી1 લગભગ નવ કિલોમીટર પ્રતિ સેકન્ડની ઝડપે મુસાફરી કરશે. વૈજ્ઞાનિકોએ જણાવ્યું છે કે તે પૃથ્વી માટે કોઈ ખતરો નથી. તેઓએ પહેલાથી જ અથડામણની શક્યતાને નકારી કાઢી છે. અહી જણાવી દઈએ કે ૧૯૯૭ માં એસ્ટેરોઇડ (૧૫૨૬૩૭) ૧૯૯૭ એનસી1 ની શોધ થઈ હતી.

3. આ એસ્ટેરોઇડનું કદ તેમાંથી પ્રતિબિંબિત થતા સૂર્યપ્રકાશના આધારે અંદાજવામાં આવ્યું છે. આ અંદાજ મુજબ, તે ૭૫૦ થી ૧,૬૫૦ મીટર પહોળું હોઈ શકે છે. જો કે, ઈએસએએ એક નિવેદનમાં જણાવ્યું હતું કે અન્ય અંદાજો સૂચવે છે કે તે નાનું પણ હોઈ શકે છે.

ટેલિસ્કોપ કે દૂરબીનની મદદથી ઉત્તરી ગોળાર્ધના ભાગોમાં દેખાશે

પ્લેનેટરી ડિફેન્સ ઓફિસના જુઆન લુઈસ કેનોએ એક નિવેદનમાં જણાવ્યું હતું કે, "આ કદનો પદાર્થ દર થોડા વર્ષે ફક્ત એક જ વાર પૃથ્વીની નજીક આવે છે. જો કે, આ વખતે, તેના નજીકના અભિગમ દરમિયાન, નજીકનો તેજસ્વી ચંદ્ર તેના દૃશ્યને અવરોધી શકે છે.જેમની પાસે ટેલિસ્કોપ અથવા દૂરબીન છે તેઓ ઉત્તરી ગોળાર્ધના ભાગોમાં તેને જોઈ શકશે. જો કે, તે પૃથ્વીની નજીકથી પસાર થતાં લગભગ દરેક જગ્યાએથી જોઈ શકાશે.