પોરબંદરના ગાયત્રી મંદિરથી જયુબેલી પુલ તરફ જતા રસ્તા પર ફેલાયેલી ગંદકીની સાફસફાઈ કરવામાં આવી હતી. પોરબંદરના ગાયત્રી મંદિરથી જયુબેલી પુલ તરફ જતો રસ્તો કેટલાક લોકોએ ડમ્પિંગ સાઈટ બનાવી દીધી હતી અને મોટી માત્રામાં કચરો ઠાલવવામાં આવી રહ્યો હતો. અહીંયા માત્ર નાના વાહનોમાં જ નહીં પરંતુ મોટા વાહનોમાં પણ  કચરો ઠાલવવામાં આવે છે જેના કારણે ખાડી કાંઠે જ ગંદકીના ગંજ ખડકાઈ ગયેલા નજરે ચડી રહ્યા છે જાણકાર વર્તુળો જણાવી રહ્યા છે કે,ટ્રેક્ટર અને ટ્રક જેવા વાહનોમાં અહીંયા કચરો રાત્રિના સમયે ઠાલવવામાં આવી રહ્યો હતો. 
હાઈવેની બંને બાજુ આ પ્રકારે વિશાળમાત્રામાં કચરો દેખાઈ રહ્યો હોવાથી આ મુદ્દે તંત્રએ તપાસ હાથ ધરવી જોઈએ અને અહીંયા કચરો નાખનારાઓ સામે કડક સાથે કામ લેવું જ‚રી બન્યું હતુ.તેવી રજુઆત અખબારી અહેવાલમાં પ્રસિદ્ધ કરવામાં આવી હતી.જેના પગલે પોરબંદર-છાંયા નગરપાલિકાના સેનિટેશન કમિટીના ચેરમેન લાખાભાઇ ભોજાભાઇ ખુંટી તેમજ છાંયા નગરપાલિકાના પુર્વ પ્રમુખ ભોજાભાઈ કાનાભાઈ ખુંટીએ તે સ્થળની  રૂબરૂ મુલાકાત કરી સેનિટેશન ચેરમેન તેમજ છાંયા નગરપાલિકાના પુર્વ પ્રમુખ દ્વારા તાત્કાલિક ધોરણે કામગીરી હાથ ધરવામાં આવી હતી તેમજ દરેક નાના મોટા ધંધાર્થીઓને અપીલ કરવામાં આવી છે કે, જ્યાં ત્યાં કચરો ફેકવો નહી તેમજ જો વધુ પ્રમાણમાં કચરો થતો હોય તેવા ધંધાર્થીઓને ડમ્પીંગ સાઈડ જે રતનપર રોડ પર આવેલી ત્યાં પોરબંદર છાંયા નગરપાલિકાની ડમ્પીંગ સાઈડ પર નાખી આવવા અપીલ કરવામાં આવી છે.