ભાવનગર મશાપાલિકાના ચિત્રા-ફુલસર વોર્ડમાં ટાઉન પ્લાનિંગના ટીપી સ્કીમ નંબર ૨/એ, ફાઇનલ પ્લોર નંબર ૩૩ વાળો અનામત રાખવામાં આવેલ પ્લોટમાં સ્પર્ધાત્મક પરીક્ષા માટે તૈયાર કરવામાં આવી રહેલા જગ્યા  અને તેને લગત રોડ પર ગેરકાયદેસર દબાણો ખડકાયા હોવા અંગે મહાપાલીકાના ટાઉન પ્લાનિંગ વિભાગના કમિશ્નર તરફ મોકલાયેલા રિપોર્ટના પગલે કમિશ્નરના આદેશથી મહાપાલિકાના એસ્ટેટ વિભાગ અને દબાણ હટાવ સેલના કાફલાએ ટાઉન પ્લાનિંગ વિભાગના અધિકારી અને સ્ટાફ સાથે રાખી મહાપાલિકાના અનામત રખાયેલા પ્લોટ અને તેને લગત રોડ પર ખડકાયેલા ગેરકાયદેસરના દબાણો સામે કાર્યવાહી હાથ ધરી હતી. અને ૧૩ મોટી દીવાલો, ૭ બાથરૂમ તેમજ ૨ શેડ પર બુલડોઝર ફેરવી તમામ ગેરકાયદેસર દબાણો દૂર કરી સ્પર્ધાત્મક પરીક્ષા માટે આ પ્લોટમાં થઇ રહેલી કામગીરીમાં દબાણરૂપી અડચણ દૂર કરવામાં આવી હતી.