હજાર રોકડા, કપડા અને સારવારની ફાઇલ લઇ ગયા : કેમેરા ચેક કરતી પોલીસ

જામનગરના યાદવનગર વિસ્તારમાં આવેલા લક્ષ્મીનગર શેરી નં. ૪માં રહેતા વેપારી પ્રવિણ ભોજાભાઇ નંદાણીયા (ઉ.વ.૨૯) એ ગઇકાલે સીટી-સી ડીવીઝનમાં કોઇ અજાણ્યા ઇસમો વિરુઘ્ધ રોકડ અને ફાઇલની ચોરી કરી ગયાની ફરીયાદ નોંધાવી છે જેના આધારે પોલીસ દ્વારા તપાસ ચલાવવામાં આવી છે.
શહેરના ખોડીયાર કોલોની બ્લુ કલબની સામેની સાઇડ મહાનગરપાલીકાના પાર્કીંગમાં ગત તા. ૨ના રોજ ફરીયાદીના માસાની આઇ-૨૦ કાર નં. જીજે૬એચએસ-૫૨૧૩ના ડ્રાઇવર સાઇડની પાછળના દરવાજાનો કાંચ કોઇ અજાણ્યા ઇસમોએ તોડીને તેમા પડેલી એક બેગ જેમાં રોકડા ૧૮ હજાર તથા કપાડા અને સારવારની ફાઇલ હતી આ બેગ કોઇ ચોરી કરી ગયું છે તેમજ ગાડીના કાંચ તોડી નુકશાન પહોચાડયુ હતું. ફરીયાદ અનુસંધાને સીટી-સી ડીવીઝનના પીએસઆઇ બરબસીયા તથા સ્ટાફ તપાસ ચલાવી રહયા છે.