જામનગર જિલ્લાના જામજોધપુર તાલુકાના ગીંગણી ગામમાં રહેતા ૬૫ વર્ષના વૃદ્ધ મહિલા નદીએ કપડાં ધોવા ગયા હતા, અને અકસ્માતે નદીમાં પડી જતાં ડૂબી જવાથી તેઓનું મૃત્યુ નીપજ્યું છે.

આ બનાવની વિગત એવી છે કે જામજોધપુર તાલુકાના ગીંગણી ગામમાં રહેતા અમરીબેન પરબતભાઈ વિંઝુડા નામના ૬૫ વર્ષના વૃદ્ધ મહિલા કે જેઓ  ગીંગણી ગામની નદીએ કપડાં ધોવા માટે ગયા હતા, દરમિયાન તેઓ કોઇ પણ કારણસર નદીમાં પડી ગયા હતા, અને પાણીમાં ડૂબી જવાથી તેઓનું મૃત્યુ નીપજયું છે.

આ બનાવ અંગે હીરાભાઈ પરબતભાઈ વિંઝુડાએ પોલીસને જાણ કરતાં જામજોધપુર પોલીસે ઘટના સ્થળે દોડી જઈ વયોવૃદ્ધ મહિલાના મૃતદેહ નો કબજો સંભાળ્યો છે, અને વધુ તપાસ હાથ ધરી છે.