જુગારના આ દરોડાની જાણવા મળતી વિગતો મુજબ, જસદણ પોલીસ મથકના હેડ કોન્સ્ટેબલ એમ.સી.ગોહિલ, ડી.આર. પલાળીયા, કોન્સ્ટેબલ પી.જે.વાસાણી સહિતનો સ્ટાફ પેટ્રોલિંગમાં હતો. દરમિયાન જનડા કંધેવાળીયા હાથસણી ગામ તરફ જવાના રસ્તે જનડાના જગદીશ સાકરીયાના મકાન પાસે ખુલ્લા પ્લોટમાં કુંડાળું કરી જુગાર રમતા સાત શખસોને ઝડપી લીધા હતા. જેમાં બચુ જગદીશભાઈ ખીહડીયા, શૈલેષ બટુકભાઈ સરવૈયા, વિરજી દેવશીભાઈ બાવળીયા, કાળુ ડાયાભાઈ લીલા, રતન નરસિંહભાઈ બાવળીયા, ઈરફાન જીગરભાઈ ભાસ અને બાબુ ટપુભાઈ વાલાણીનો સમાવેશ થાય છે. પોલીસે પટમાંથી રોકડ રૂ. 4230 કબજે કરી કાયદેસરની કાર્યવાહી કરી હતી.

જુગારના અન્ય દરોડામાં ભાયાવદર પોલીસ મથકના પીઆઈ વી.એમ. ડોડીયાની રાહબરી હેઠળ ટીમ પેટ્રોલિંગમાં હતી દરમિયાન કોન્સ્ટેબલ કલ્પેશભાઈ કોઠીવાર અને મળેલી બાતમીના આધારે મોટી પાનેલી ગામે માંડાસણ રોડ તળાવની બાજુમાં આંબાના ઝાડની નીચે જાહેરમાં જુગાર રમતા પાંચ શખસોને ઝડપી લીધા હતા. જેમાં નરશી રૂખડભાઈ વરાણીયા, જયંતિ હીરાભાઈ મકવાણા, ઈકબાલ ઇસ્માઈલભાઈ સોરા, વિજય વિઠ્ઠલભાઈ સોલંકી અને ચંદ્રેશ કિશોરભાઈ વરાણીયાનો સમાવેશ થાય છે પોલીસે પટમાંથી રોકડ રૂ. 10,750 કબજે કર્યા હતા.