મુંબઈના ગોરેગાંવ પૂર્વમાં રહેજા બિલ્ડિંગ પાસે ખડકપાડા ફર્નીચર માર્કેટમાં આજે ભીષણ આગ લાગી હતી. આ આગમાં 50 ગોડાઉન બળીને ખાખ થઈ ગયા છે. આગ સવારે લાગી હતી. આ ઘટનાની જાણકારી મળતા જ ફાયર બ્રિગેડની ટીમ ઘટનાસ્થળે પહોંચી અને આગને કાબૂમાં લેવાનો પ્રયાસ કર્યો છે. ભીષણ આગ લાગતા અફરાતફરીનો માહોલ જોવા મળી રહ્યો છે. 

View this post on Instagram

A post shared by Aajkaal (@aajkaaldaily)

કરોડોના નુકસાનનો અંદાજ
એક અધિકારીએ જણાવ્યું કે, આગનું કારણ હજુ સુધી જાણી શકાયું નથી. અકસ્માતની તપાસ કરવામાં આવશે. આગ શોર્ટ સર્કિટના કારણે લાગી કે જાણી જોઈને લાગી તે અંગે તપાસ ચાલી રહી છે. આગના કારણે થયેલા નુકસાનનો પણ અંદાજ લગાવવામાં આવી રહ્યો છે. સ્થાનિક વેપારીઓના મતે કરોડોનું નુકસાન થયું છે.