દ્વારકાની ગોમતી નદીમા 7 યુવક-યુવતીઓ ન્હાવા પડ્યા હતા. જોકે બાદમાં સાતેય ડૂબવા લાગ્યા હતા. આથી બૂમાબૂમ અને દોડધામ થતા ફાયર વિભાગની બોટ અને સ્થાનિક લોકોએ એક ઊંટ રેસ્ક્યૂ કરવા માટે દરિયામાં ઉતારાયો હતો. તમામનું રેસ્ક્યૂ કરી સારવાર માટે હોસ્પિટલ ખસેડાયા હતા. જોકે, એક યુવતીનું સારવાર દરમિયાન મોત નીપજ્યું હતું. જ્યારે એક યુવતીની હાલત ગંભીર હોવાનું જાણવા મળ્યું છે. 

View this post on Instagram

A post shared by Aajkaal (@aajkaaldaily)

ઉલ્લેખનીય છે કે, છેલ્લા એક મહિનામાં ડૂબવાની ત્રણ ઘટના બની છે. જેમાં 3 દિવસ અગાઉ એક વૃદ્ધ ડૂબ્યા હતા જોકે સુરક્ષાકર્મીઓએ જીવ જોખમમાં મૂકીને વૃદ્ધને બચાવી લીધા હતા. જ્યારે અન્ય એક ડૂબવાની ઘટના 21 મેના રોજ સર્જાઇ હતી. આ ઘટનામાં ત્રણ વ્યક્તિઓ ગોમતી નદીમાં ડૂબ્યા હતા. જેમાં પાટણના મામા-ભાણેજનું મોત નીપજ્યું હતું, જ્યારે એકનો બચાવ થયો હતો. ​​​​​​​

​​​​​​​
દ્વારકાના દરિયામાં કરંટ જોવા મળી રહ્યો છે

હવામાન વિભાગ દ્વારા પણ આગાહી કરવામાં આવી હોવાથી દ્વારકાના દરિયામાં કરંટ જોવા મળી રહ્યો છે. ત્યારે દરિયાનો પ્રવાહ ગોમતી નદીમાં વધુ જોવા મળતો હોય છે. ત્યારે આ બાબતે યાત્રીઓ અજાણ હોય છે. ગોમતી નદીમાં ન્હાવાનો મહિમા હોવાથી યાત્રીઓ સ્નાન કરવા ઉતરતા હોય છે. આ દરમિયાન ઘણીવાર યાત્રીઓ ડૂબી જતાં હોવાની ઘટના બનતી હોય છે.