રાજકોટ મહાનગરપાલિકાની ટેક્સ બ્રાન્ચ દ્વારા બાકી મિલકત વેરો વસૂલવા માટે આજે સોની બજાર સહિતના વિસ્તારોમાં આજે ચોથા શનિવારની રજાના દિવસે 26 મિલકતો સીલ કરવામાં આવી હતી. જ્યારે 20 મિલકતને ટાંચ જપ્તિની નોટિસ ફટકારવામાં આવી હતી અને આજે બપોર સુધીમાં રૂ.75.71 લાખની વેરા વસૂલાત કરવામાં આવી હતી.
વિશેષમાં ટેક્સ બ્રાન્ચના સૂત્રોએ જણાવ્યું હતું કે આજે માર્કેટ યાર્ડમાં જુના સંકુલમાં આવેલી દુકાનોને નોટિસની બજવણી કરતા તમામ રીઢા બાકીદારોએ તાબડતોબ વેરો ચૂકતે કરી દીધો હતો. આજે બપોરની સ્થિતિએ મિલકત વેરાની કુલ આવક 350 કરોડને પાર પહોંચી ગઈ છે જોકે હજુ લક્ષ્યાંક હાંસલ કરવામાં 25 કરોડનું છેટુ છે.