લોકશાહીના પર્વ નિમિત્તે રાજકોટમાં પ્રેરણાદાયી દ્રશ્ય જોવા મળ્યું હતું. વી.ડી.પારેખ અંધ મહિલા વિકાસ ગૃહ ખાતે રહેતા દિવ્યાંગ બહેનોએ ઉત્સાહપૂર્વક પોતાના મતાધિકારનો ઉપયોગ કર્યો હતો.

બૂથ નંબર ૫૨ (બાવન) ખાતે આ સંસ્થાના ૧૫ જેટલા દિવ્યાંગ મહિલાઓએ મતદાન કર્યું હતું. ૫૦ થી લઈને ૮૦ વર્ષ સુધીના આ મહિલાઓની આંખોની રોશની ન હોવા છતાં, દેશ પ્રત્યેની પોતાની ફરજ બજાવવા માટે તેમનામાં ભારે ઉત્સાહ જોવા મળ્યો હતો.નોંધનીય છે કે, આ મતદાન મથક પર કુલ ૪૧૩ પુરુષ અને ૪૦૭ મહિલા મતદારો નોંધાયેલા છે.