બીજા બનાવમાં રાજકોટમાં ગ્રીનસીટી પાછળ જે.કે. પાર્કમાં રહેતા નિવૃત્ત તલાટી કમ મંત્રી પ્રવીણભાઈ વિઠ્ઠલપરા (ઉંમર વર્ષ ૬૪) તા. ૨૩ સપ્ટેમ્બરના દિવસે ધ્રોલ પંથકમાં આવ્યા હતા, અને ત્યાંથી તેઓ વાંકિયા ગામ પાસે આવેલા જલારામ બાપાના મંદિરે પોતાનું એકટીવા નં. જીજે૩એમએ-૧૯૧૪ લઈને દર્શનાર્થે ગયા હતા. જે દર્શન કરીને પરત ફરી રહ્યા હતા, જે દરમિયાન રાજકોટ- હાઇવે રોડ પર વાંકીયા ગામના પાટીયા પાસે સામેથી આવી રહેલી જી.જે. ૨૫ જે ૨૭૪૭ નંબરની કારના ચાલકે સ્કૂટરને ઠોકર મારતા અકસ્માત સર્જાયો હતો. જે અકસ્માતમાં પ્રવીણચંદ્ર વિઠ્ઠલપરાને ગંભીર ઇજાઓ થઈ હતી, અને તેઓને હોસ્પીટલમાં સારવાર માટે ખસેડવામાં આવ્યા હતા, દરમ્યાન સારવારમાં તેમનું મૃત્યુ નિપજયુ હતું. આ બનાવ અંગે મૃતકના પુત્ર તુષાર પ્રવિણચંદ્ર વિઠ્ઠલપરાએ ધ્રોલ પોલીસ મથકમાં ફરિયાદ નોંધાવતાં પોલીસ દ્વારા તપાસ ચલાવવામાં આવી રહી છે. ​​​​​​​