રશિયાએ બુધવારે રાત્રે યુક્રેનની રાજધાની કીવ પર મિસાઇલ અને ડ્રોનથી ભીષણ હુમલો કર્યો હતો. આ હુમલામાં ઓછામાં ઓછા 8 લોકો માર્યા ગયા છે, જ્યારે 70થી વધુ લોકો ઘાયલ થયા છે. છેલ્લા 9 મહિનામાં યુક્રેનની રાજધાની પર કરવામાં આવેલો આ સૌથી મોટો હુમલો છે.

અધિકારીઓએ જણાવ્યું કે હુમલાના કારણે ઘણી ઇમારતોમાં આગ લાગી ગઈ હતી. 42 લોકોને હોસ્પિટલમાં દાખલ કરવામાં આવ્યા છે, જેમાં 6 બાળકોનો સમાવેશ થાય છે. હજુ પણ કેટલાક લોકો કાટમાળમાં ફસાયેલા છે, જેમને બચાવવા માટે રેસ્ક્યુ ઓપરેશન ચાલુ છે.

મીડિયા રિપોર્ટ્સ અનુસાર રશિયાએ યુક્રેન પર 70 મિસાઇલ અને 145 ડ્રોનથી હુમલો કર્યો હતો, જેનું મુખ્ય લક્ષ્ય રાજધાની કીવને નિશાન બનાવવાનું હતું. યુક્રેનના રાષ્ટ્રપતિ ઝેલેન્સકીનું કહેવું છે કે આ હુમલાનો હેતુ અમેરિકા પર દબાણ લાવવાનો હતો.

જુલાઈ 2024 પછી કીવ પર સૌથી મોટો હવાઈ હુમલો

રાજ્ય ઇમરજન્સી સર્વિસે ટેલિગ્રામ પર લખ્યું કે જ્યાં હુમલો થયો છે, ત્યાં કાટમાળ નીચે દબાયેલા લોકોની શોધ ચાલુ છે. કીવમાં 13 સ્થળોને નિશાન બનાવવામાં આવ્યા હતા, જેમાં રહેણાંક ઇમારતો અને જાહેર ઇન્ફ્રાસ્ટ્રક્ચરનો પણ સમાવેશ થાય છે.

જ્યારે, યુક્રેનના વિદેશ મંત્રી એન્ડ્રી સિબિહાએ X પર કહ્યું કે આ હુમલાઓથી ખબર પડે છે કે યુક્રેન નહીં, પરંતુ રશિયા શાંતિ માટે અવરોધ છે. કીવના મેયર વિટાલી ક્લિટ્સ્કોએ કહ્યું કે રાજધાનીમાં અત્યાર સુધી આઠ લોકોના માર્યા જવાની પુષ્ટિ થઈ ચૂકી છે, જો કે અધિકારીઓએ પહેલા કહ્યું હતું કે 9 લોકો માર્યા ગયા છે.

રશિયા બોલ્યું તમામ ટાર્ગેટ હિટ થયા

રશિયાના સંરક્ષણ મંત્રાલયે કહ્યું કે તેણે "યુક્રેનના એવિએશન, મિસાઇલ અને સ્પેસ, મેકેનિકલ એન્જિનિયરિંગ અને બખ્તરબંધ ઇન્ડસ્ટ્રી, રોકેટ ફ્યુઅલ અને દારૂગોળા ઉત્પાદન ઠેકાણાઓ પર લાંબા અંતરના હવા, જમીન અને સમુદ્રથી હુમલો કરનારા હથિયારો અને ડ્રોન દ્વારા હુમલો કર્યો. હુમલાનો ઉદ્દેશ્ય પૂરો થયો. તમામ ટાર્ગેટ હિટ થઈ ગયા."