કલેકટર કચેરીના ક્ધટ્રોલ રૂમના જણાવ્યા મુજબ મહત્તમ તાપમાન ૩૦ ડીગ્રી, લઘુતમ તાપમાન ૨૫ ડીગ્રી, હવામાં ભેજ ૮૬ ટકા, પવનની ગતિ ૧૫ થી ૨૦ કિ.મી. પ્રતિકલાક જોવા મળી હતી. ગુજરાતના અન્ય શહેરો કરતા જામનગર દરિયાકાંઠે હોય ભેજનું પ્રમાણ પણ વધે છે, એટલું જ નહીં ઠંડો પવન પણ અન્ય શહેરો કરતા વધારે જોવા મળે છે. કેટલાક ગામડાઓમાં ૧૦૦ ટકાથી વધુ વરસાદ વરસી ચૂકયો છે તો કેટલાક ગામડાઓમાં જોઇએ તેટલો વરસાદ થયો નથી. જો કે મોટાભાગના ચેકડેમો ભરાઇ ગયા છે, જેને કારણે પીવાના પાણીની કે ખેતીમાં અપાતા પાણીને કોઇ મુશ્કેલી નહીં પડે. 


રંગમતી, કોટડા બાવીસી અને ઉમીયાસાગર ડેમ ફરીથી છલકાયા
જામનગર જિલ્લામાં ગઇકાલે ઉપરવાસ વરસાદને કારણે રંગમતી ડેમ છલકાઇ જતાં તેનો એક દરવાજો ૦.૨૫ ફુટ ખોલવામાં આવ્યો હતો, તંત્ર દ્વારા ચંગા, ચેલા, દરેડ, જામનગર, નવાનાગના, જુના નાગના અને નવાગામ ઘેડના લોકોને સલામત સ્થળે ઘસી જવા ચેતવણી આપવામાં આવી છે જયારે ફુલઝર, કોટડા બાવીસી ડેમ પણ છલકાઇ જતાં તેના બે દરવાજા ખોલાયા હતાં, કોટડાબાવીસી, ગીંગણી અને સીદસર ગામના લોકોને સલામત સ્થળે ખસી જવા ચેતવણી અપાઇ છે જયારે જામજોધપુર તાલુકામાં આવેલ ઉમીયાસાગર ડેમ છલકાઇ જતાં તેના ત્રણ દરવાજા દોઢ ફુટ ખોલવામાં આવ્યા હતાં જયારે સીદસર ગામના લોકોને પણ ફરીથી ચેતવણી આપવામાં આવી હતી.