ફિફા ઓપનિંગ સેરેમનીના કેનેડિયન વર્ઝનમાં નોરા ફતેહીએ અદભુત પર્ફોર્મન્સ આપ્યું. તેણીએ કલાકારો વેજડ્રીમ અને સંજોય સાથે તેનું ફૂટબોલ ગીત ગાયું. તેણીના પર્ફોર્મન્સના વીડિયો સોશિયલ મીડિયા પર તેના ચાહકો દ્વારા વ્યાપકપણે શેર કરવામાં આવ્યા હતા. નોરાએ કટઆઉટ સાથે સંપૂર્ણપણે લાલ ડ્રેસ પહેર્યો હતો.નોરા ફતેહીએ તેના શક્તિશાળી નૃત્ય મૂવ્સ અને ઉર્જાવાન ગાયનથી પ્રેક્ષકોને મંત્રમુગ્ધ કર્યા હતા, અને સેંકડો નર્તકોએ તેની સાથે પર્ફોર્મન્સ આપ્યું હતું. નોરા ઉપરાંત, કેટી પેરીએ શુક્રવાર, 12 જૂને લોસ એન્જલસમાં યુનાઇટેડ સ્ટેટ્સ ઓપનિંગ સેરેમનીમાં પણ પર્ફોર્મન્સ આપ્યું હતું. તેણીએ અનિતા, ફ્યુચર, લિસા, રેમા અને ટાયલા જેવા મુખ્ય સ્ટાર્સ સાથે સ્ટેજ શેર કર્યું હતું.ઉત્તર અમેરિકામાં ફીફા વર્લ્ડ કપ 2026 શરૂ થઈ રહ્યો છે .ટુર્નામેન્ટની સત્તાવાર શરૂઆત 11 જૂને મેક્સિકો સિટીમાં મેક્સિકો અને દક્ષિણ આફ્રિકા વચ્ચેની ઓપનિંગ મેચ સાથે થઈ હતી.શકીરા અને બર્ના બોયે મેક્સિકો સિટીમાં પ્રથમ ઓપનિંગ સેરેમનીમાં પરફોર્મ કર્યું હતું. તેઓએ ફીફા વર્લ્ડ કપ 2026ના ઓફિશિયલ ગીત "ડાઈ ડાઈ"નું પ્રથમ લાઈવ પરફોર્મન્સ આપ્યું હતું. સ્ટેજ પર પરફોર્મ કરનારા અન્ય કલાકારોમાં અલેજાન્ડ્રો ફર્નાન્ડીઝ, બેલિન્ડા, ડેની ઓશન, જે બાલ્વિન, લીલા ડાઉન્સ, લોસ એન્જલસ એઝ્યુલ્સ અને માનાનો સમાવેશ થાય છે.કેનેડાના ટોરોન્ટોમાં બીજો ઓપનિંગ સેરેમની યોજાઈ હતી, જેમાં એલાનિસ મોરિસેટ, એલેસિયા કારા, આલિયાના, જેસી રેયેઝ અને માઈકલ બુબલે દ્વારા પરફોર્મન્સ આપવામાં આવ્યા હતા. 2026 ફીફા વર્લ્ડ કપ ટુર્નામેન્ટનું અત્યાર સુધીનું સૌથી મોટું સંસ્કરણ છે, જેમાં યુનાઇટેડ સ્ટેટ્સ, કેનેડા અને મેક્સિકોમાં 48 ટીમો ભાગ લઈ રહી છે. આ સ્પર્ધા ૧૯ જુલાઈના રોજ ફાઇનલ સાથે સમાપ્ત થશે